"Ngai teh u, thil thar ka ti dawn e; tun apang hian a tiak ang; chu chu in hre dawn lawm ni? Thlalêrah meuh pawhkawng ka siam ang a, ram rovah chuan luite ka siam bawk ang."(Isaia 43:19)
Tawnhriat(Experience) hi a tangkai em em a, tawnhriat ngah na na na chu finna lamah khum an harsa. Kan nu leh pate pawh kan finkhalh theih loh fo chhan a ni.
Mahse, Thlarau lamah chuan a nih ber loh chang a awm a ni. Pathiana rinna kan nghah tak tak dawn chuan kan lo tawnhriat tawhte kha dahthata, kan hman a rem loh chang a awm fo dawn.
I tawnhriatte chu Pathianin hman tangkai hun nei fo dawn mahse i tawnhriatah chauh innghat chunga Pathian hnung i zui dawn a nih chuan i kal thui thei lo ang.
Davida khan Goliatha a beih dawn khan experience-ah a innghat lo. Lal Saula erawh experience a changchawi a, chuvangin Davida kha ral an beih fona thin ralthuama thuam a tum a ni. Mahse Davida erawh chuan Pathian atangin virvawm hmang tura tihna thu a dawng nge kan hre lo Bible-ah a inziak tawh miau si lo va, mahse kan hriat chu experience-ah a in nghat lo va, ral an lo beih fo tawhna thin ngunhnam leh phawte chu hnawlin indona atana anla hman ngai pawh nia hriat loh virvawm a hmang ta a ni.
Mahse hei hi ngaihtuah rawh a hmelma kha ngunhnam hmang thiam em em tura training pek a ni a, ngunhnam hmang ve bawk bei tura chher a ni bawk. Mahse Davida erawhin ngunhnam a hmang si lo lai tak kha a ni thil ropui lutuk chu. Engtin nge ngunhnamin virvawm i beih let reng reng ang? Davida kha ava han fing lawr lak tehreng em, a hmelma pan a beih let thiam miah lohna tur virvawm a hmang tlat a ni.
Ka tarlan tum ber chu experience hi a tha a, finna min pe teuh mahse rawngbawlnaah chuan chang chawi vak chi a ni lo. Fing taka Pathian rawn chung zelin leh Pathian thupek kan dawnte, a then chu tuma la tih ngai loh pawh a ni mahna mahse huai taka kalpui ngam a pawimawh a ni.
(Tawngtai Dan Tur)
Lalpa, ka tawnhriatte hian ka hmahun hmachhawn dan tura hriatna zawng zawng min pe dawn loa, mahse nangmaha ka innghah chuan ka hmahun hmachhawn dan tur tha ber ka hre zel thei dawn a ni tih hi hre rengin, nangmahah chauh innghat thei turin min pui ang che, Amen. Ti ang aw.
Follow tih a hnuaia inziakah khuan i click dawn nia.
No comments:
Post a Comment