NALH TAKA INCHEI DAN

Mihring hi darthlalanga kan in en a kan inhmuh theih chin kan taksa piah lamah hian nihna tamtak kan nei a: ngaihtuahna te, suangtuahna te, duhthlanna te kan nei a, chung chu khawvel mit hmuhah hian a lang mai lo bawk a ni. Khawvel mithmuhah nangmah i in present thin dan leh chhungrila i nihna tak tak hi a dang daihin i hre ve ngai em?

Mihring hian thlarau kan nei a ni, ka sawi tum chu i thlarau chu i tisa pawnlam landan aiin i ngaih pawimawh a, i enkawl uluk zawk a ngai a ni. A chhan chu i la thi ngei dawn a, i taksa chu a tawihral mai dawn, i thlarau erawh chatuanin a nung ang.

1 Petera 3:3-4 In incheina chu pawn lam incheina – sam phiar te, rangkachak thi awrh te, silhfena inthuam te chu ni lovin, thinlunga mihring thuruk chu, rilru thuhnuairawlh leh nunnem, silhfen chhe thei lova inthuam ni zawk rawh se, chu chu Pathian mithmuhin a hlu em em a ni.

He Bible chang hian i sam han chei mawi te, tlereuh inbel te, thawmhnaw mawi tak hak te hi tih loh tur tiin a sawi hauh lo va, a dik lo hulhual e pawh a ti hauh lo. Mahse, "heng tisa landanah hian kan buai lutuk a, kan chhungril nun kan ngaihthah chuan kan chungah Pathian a lawm dawn lo tih min hrilh mai a ni."

I landan chu mawiin nalh em em se, i chhungril nunah duhawmna awm si lo sela, i mihring puite mitah leh Pathian mitah pawh i mawi (attractive) dawn lo a ni.

Bang hauh loa Pathian kan ngaihsaka kan thlakhlelh hian, kan Pathian hian kan chhungril nun hi min lo siam that sak hret hret thin a ni. Pathian ngaisaktu leh thlahlehtu chu, a inkhawm thina, a tawngtai thina, bible a chhiar bawk thina, remna zawngtu a ni bawk thin. Pathian ngaihsaktu i ni em? I ni lo a nih chuan i chhungril a tawih tihna a ni ang.

Kan Pathian hi i zawng ang u, min hnaih reng si a.

(Tawngtai Dan Tur)
Lalpa, nangmah ka hnaih che a nih phawt chuan, chhungril nun mawi ber ka nei reng dawn a ni tih hi ka hriat renga, i kianga awm reng turin theih tawp ka chhuah theih nan min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)