"Ka hrilh a che u, chutiang bawkin mi fel sawmkua leh pakua sim chuan tur nei lote ai chuan mi sual pakhat sim chungah hian vana mi an lawm zawk ang."(Luka 15:7)
Pathian hian sim tur nei ngei hi a rawngbawl tur hian min koh thin a. Kan la sual lai mek leh thilsual kan tih lai mek pawh hian keimahniah mi tha a hmu thin a ni.
Paula kha, Saula a nih laiin a koh a, a awm zia takah chuan a sual lai ngei pawh khan an rawngbawl turin a koh tihna a ni. Chumai pawh chu ala ni lo, Jacoba kha Jacoba a nih lai ngei khan Pathianin a koha, Israela tiin hming thar a pe a nih kha.
Nang leh kei pawh hi a hmangaihna avangin, kan sual lai ngei pawh hian, min koha, hming thar min pe bawk a, chu hming thar min pek ngei chuan min koh thin a ni.
Abrahama pawh kha, fa a neih hma hauh khan, Abrahama " tamtak thlahtu"(father of many) tiin kan Pathian chuan a koh a. Keini pawh hi, keimahni a theihna a dah sa leh min kohna avanga kan nih theih tur hmingin "chhungkaw siamthatu, pastor, sunday school zirtirtu, thalai hruaitu, evanglist, hnam siam thatu, doctor, officer, sumdawng lian. etc," tiin min koh thin a ni.
Mahse, chu min kohna chu kan tihhlawhtlin theih nan "SIM" a ngai thung a ni. Saula'n a sim, Petera'n a sim, Abraham'n a sim, Jacoba'n a sim a ni tih hi hre theuh ang u.
Hawh u, Pathianin min koh chhan tihlawhtling turin simna nun i nei ang u. Simna chu, thiltha lo tih thin kalsan a tihtawh loh a ni.
(Tawngtai Dan Tur)
Lalpa, suala ka la awm lai mek pawhin nang chuan hming thar min pek duh avangin ka lawm e, min kohna hi ka tihhlawhtlin theih nan simna nun nei turin min pui ang che, Amen. Ti ang aw.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)
No comments:
Post a Comment