"Tin, a hnenah an va kal a, an kaitho va, "Zirtirtu, zirtirtu, kan boral dawn hi le," an ti a. Tin, ani chu a lo harh a, thli leh tuifawn chu a hau ta a; tin, a bang a, a reh ta mai a."(Luka 8:24)
Lalpa kan Pathian hian min hnaih reng a, chutiang a nih lai chuan, zirtirte nena lawnga an chuan a thlipui alo tleha, Isua an kaihthawh ang khan, Lalpa hi kan kaihthawh ve a ngai thin.
Ni e, kan Pathian hi a mut chu a muthlu hauh loa, mahse thinlung leih buaa Lalpa i tel lo chuan ka thei lo, nangmah zawk che rawh, ka theihna piah lam a ni, kei chu kalo in dah tha a nge. Tia alam kan hawi hun hi a nghak thin alo ni.
Isuan thlipui a hauh reh khan, zirtirte khan an tihtheih bak a ni, tih an hriaa an indahthaa, hetiang hian ti ang an lo ti an lo ti lo a ni.
Hawh u, ruh leh thling a in hnaih ai pawha min hnaih rengtu Pathian kutah hian kan buaina zawng zawng hi nghatin, Lalpa nangmah zawkin i duh angin ti rawh i ti ang u.
Chutianga kan ti a nih chuan, Lalpan engkim a ti a nga, chawlhna nunah min hruai dawn a ni.
Zirtirte kha an martar veka, chawl chungin an martara an thih lai mek pawhin an chawl a ni, a chhanchu an lawnga chuang Pathian engkim ti theia kha kaihthawh nachang an hriat tawh vang a ni.
Nat ber laite, hah ber laite pawh hian, engkim siamtu leh dintu kan Pathian hian min chawlh tir dan a thiama, min hum dan pawh a thiam a ni.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment