"Saruak ka nihin puan mi sintir a; ka dam lohvin mi kan a; tan ina ka awmin ka hnenah in lo kal si a," a la ti ang."
"Heng ka unau te berte zinga mi pakhat chunga in tih chu ka chunga ti in ni,’ tiin a la chhang ang."(Matthaia 25:36&40b)
Pathian kan tih avanga mi chunga thiltha kan tih hi, kan Pathian hian ama chunga kan ti ang hialin a ngai pawimawh a ni, tih tur khawpin Matthaia hian a ziaka.
Kan Pathian hi a hming avanga thiltha kan tihnaa lawm thin Pathian a nia, kan Pathian hi kan tih lawm phak alo ni reng a ni.
Hawh u, kan Pathian ti lawm tur hian, a hming avangin dawhthei ila, misual leh harsate hmangaih ila, chhungte nei lote chhungte ni ila etc. Chutianga kan tih ngat chuan kan va nihlawh dawn em, kan nihlawh chhan tur chu engkim neitu kan Pathian lawmna siamtu kan nih dawn vang a ni.
Pathian avanga thiltihah hian thiltihtheihna danglam bik tak pawh a awm a. Nun kawng dik loa kal khawvel thiamna hmanga siamthat hleihtheih lohte pawh hi, kawng dika hruai leh theihna tha ber leh awm chhun chu Pathianin a hmangaih tih kan hriat avanga, hmangaih tang tangna hi a ni.
Pathian vanga hmangaihnate, dawhtheihnate, beiseinate hian hringnun indona zawng zawng hi alo hneh thin a ni.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment