"LALPA tihna chu finna bul a ni a; Chutianga ti apiangte chuan hriat thiamna tha an nei a: Amah fakna chu kumkhuaa awm tûr a ni."(Sam 111:10)
Hriatthiamna nei tur chuan fin a ngai a ni.
Pathian atanga hriattiamna nei mi chu rawngbawlnaah a ni emaw, kawppui neih kawngah a ni emaw, hna thawh kawngah a ni emaw, hna zawn kawngah a ni emaw, an ding chhuak vah zel thin, tih hi kan hre vek awm e.
Hriattiamna nei tur chuan finna neih a ngaia, finna nei tur chuan Pathian tih a ngai a ni.
Tunlai khawvela kan hmuh mai theihah chuan, Pathian neitu leh Pathian tihtu, Billy Grahama hi entirnan han hmang leh ta ila.
Billy Graham kha mi rethei fa a ni, kawppui zawn kawnga rilru na taka awm tawh mi a nia, fa sual nei thin mi a nia, Pathian nena inpawhna tak tak nei ngai lo mi a ni. Mahse, Pathian nen an in tawnga, chu a Pathian chu a tih em em taa.
Tichuan, a Pathian rawngbawl tur chuan theih tawp a chhuaha, nupui atan Pathian tih mi Lalpan a pea, a fate pawh sual ve thin mahsela Pathian atanga hriattiam bikna nun nen a enkawla rawngbawltu ropui bikah a chhuah ta veka, rawngbawltu ni sia a hausak a hlaua, chutih lai chuan a rawng a bawl sak Pathianin a retheih bik a hlau ve thung a niang a thil neihte a sem sem hnuah pawh Millionaire ala ni cheuha hausa mahse Pathian atang hriatthiamna a neih avangin a hausaknain ati buai loa, kawng dik lo a zawh phah chuang lo a ni. Rawngbawltu ropui bik ni chung leh khawvel ngaihsan nichhungin a khawvel nun a hmang zo ta a ni.
Engkima Pathian tan kan nun tan ni hi, engkima hriatthiam bikna kan neih tan ni alo ni thin a ni.
Engkim lai hi a pawimawha, a chhanchu Pathian tan kan nun peng pakhat pawh kan pe phal lo a nih chuan, chu nun peng pakhat Pathian tana kan hlan phal loh chuan, kan nun tha zawng zawng pawh a uai tla leh vek thin a ni.
Engkima hriatthiam bikna Lalpa atang kan chan theih nan, engkimah Lalpa tihin kan nun i hmang ang u.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment