"Kherkhiap lutuk suh la, intifing lutuk hek suh: engah nge mahni i intih chhiat ang?"(Thuhriltu 7:16)
Kherkhiap leh intihfin hi, mahni inhremna mai mai alo ni kan bible chuan a tia.
Ni e, midangin an ei theih ang ei ve maitheihte, incheina tlanglawn pangngai duh ve maite, kan bul hnai amite tha taka kawm ve mai theihte a pawimawh a ni.
Thingtlangah emaw, Aizawlah emaw, phaiah emaw kan awm thei, tin kan awmna khuaah veng lu deuhah emaw veng mawng deuhah emaw kan awm a ni thei, khawiah pawh awm ila kan awmna hmun mila awm thiam hi ringtute tih tur a ni.
Chumai bakah mimawlte chauh hi an intifing thina, kan intifinga ka ngaihdan chuan kan tih kan tiha, midang ngaihdan kan ngaithla thiam lo a nih chuan, mimawl kan lo ni ve reng maithei a ni.
Rawngbawltu thate leh khawvel hriat khawpa hlawhtlingte zingah hian, khirhkhiap tak leh intifing lutuk an awm ngai loa, an awmna hmun a zirin an insiam rem thiam zel thin a ni. Chutih rual chuan, awmze neia nung thin mi an nih avangin, nitin tih ngei ngei tur leh eng ti kawng zawng pawha tih miah loh turte an insiam thin bawk a ni.
Kan Lalpa Isua Krista ngei pawh hi mi kherkhiap leh mi intifing lutuk a ni loa, kherkhiap chu ni sela ram zawng zawngah leh hnam zawng zawng hnenah chanchintha hril rawh u a ti lo ang, kherkhiap chu nise thlei bik a nei ang. Chu mai bakah intifing mi chu nisela, a pa Josepha atang khan thingrem siamte kha a zir duh lo ang. A intihfin loh avangin zirtir theih (teachable) a ni.
Isua Krista lama tang kan ni a nih chuan thleibik kan neih a thiang loa, sual do chungin mitin tana inhawn hi kan tih tur a nia. Chubakah intifing mi ni loin, zirtir theih mi leh insiamtha thei mi kan nih a tul a ni.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment