"Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni."(Ephesi 2:8)
Rinna avanga khawngaihnaa chhandam kan nia. Kan inkhawm vang emaw, thawhlawm kan thawh vang emaw a chhandam leh vanram kai tur kan ni lo, kan rinna chu Pathianin a khawngaihna avangin min lo pawm saka chu vang zawk chuan chatuan nun nei tlak kan lo ni ta a ni.
Chutiang chu a nih rual chuan, kan bible vek chuan "Rinna chu thiltih nei lovin amah chauhvin a awm chuan thi a ni"(Jakoba 2:17) alo tia.
Rinna avanga chhandam kan nih takzet zia chu, kan thiltiha kan tih lan thung a ngai a ni. Hei vang tak hian, chhandam fa kan nih chuan kan awm mai mai leh thei lo thung si a ni.
Tin, rinna hi thiltih tel lo chuan, thiltiha tih nun reng leh chhem alh reng loh chuan a thi thin a. Hei vang hian, inkhawm inkhawm a ngaia, tawngtai tawngtai a ngaia, bible chiar chiar a ngaia, Pathian hming avanga thiltha tih tih a ngai thin a ni.
Entirnan lal fapa hian, lal fapa a nihna turin engmah a tih a ngai lo, lal fapa a ni. Mahse, lal fapa a nih avang chuan thiltih a neih a ngai thung a, a thiltih chu anihna nen a kalkawp lo a nih chuan, chhiahhlawh te ber ai pawhin hmuhsit leh en hniam a ni hial ang. Mahse, lal fapa a nih ang taka a tih tur a tih chuan, lal ram neitu a ni tiin zah leh ensan a hlawh ang.
Hetiang ang hian, chhandam kan nihna leh van Lal fa kan nihna hi, kan nun chhuah pui a ngai a ni. I awm mai mai lo ang u.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment