"Hmangaihnaah chuan hlauhna reng a awm lo: hmangaihna famkimin hlauhna a hnawt chhuak zawk thin a ni, hlauhnaah chuan hremna a awm si a; a hlautu chu hmangaihnaah a la famkim lo a ni."(I Johana 4:18)
Mi thenkhat chuan, rorelna ni kan ngaihtuah hian, kan hlau hauh lo a, kan hlau lo pawh a ni mai lo a, min tlantu Isua Krista hmaa thingthi a "ka lawm e Lalpa" tih hlan kan nghakhlel zawk a ni.
Chutiang rilru kan put chhanchu, Pathianin min hmangaih tih kan hriat vang leh keini pawhin amah chu kan hmangaih vang a ni.
Pathian thu chuan, hmangaihnaah chuan hlauhna reng a awm lo a tia, a dik em em a. Pathianin min hmangaih tih kan hriat avangin, harsatna kan tawh pawhin kan thla a muang thin a nih hi tiraw u.
Pathian hmangaihna hre lo tan chuan, rorelna ni thlen hun a zamawma, he lei harsatna pawh tawp derna ang hialin a tih awm a nih hi.
Hmangaihnaah kan awm em, i inchhut ngun ang u.
Tin, Pathian hmangaihna kan chang a nih chuan, Pathian hmangaihna hre velote hnenah, Pathian hmangaihna chu an chanve theihna turin kan nunchhuah puia, kan nuna hmangaihna chu kan lantir a ngai a, chu chu hmangaihna chang tawhtute mawhphurna leh Pathian hmangaihte kan hmangaih pui zia kan lan tirna tur a nia.
Hmangaihtu dik chuan, a hmangaiha hmangaihte chu a hmangaih pui thin a. Pathian kan hmangaih tak zet ani tih keimahni leh keimahni kan infiah theihna tur pakhat chu, a hmangaihte kan hmangaih pui leh pui lohah hian a ni.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment