MIDANGTE TANA MALSAWMNA NI TURIN PATHIANIN MAL MIN SAWM

            

-Rick Warren

"Tin, a ring apiang chuan engkim an ințawm hlawm a, an rote an sumte an hralh a, an châkkhai daih lek țheuhvin an zâa hnenah chuan an sem țhin a." (Tirhkohte 2: 44-45)  

Kohhran țiaktir anga ringtu inpe zo kha an awm meuh tawh lo vang. Tirhkohte 2: 44-45 ah chuan hetiang hian kan hmu a, "Tin, a ring apiang chuan engkim an ințawm hlawm a, an rote an sumte an hralh a, an châkkhai daih lek țheuhvin an zâa hnenah chuan an sem țhin a," tiin. Kristian hmasate khan an sum țhenkhat kha an thawh a ni satliah lo va, an thil neih ang ang kha an kawmpui ngai lo hrim hrim zawk a ni. 

Keini chutiang chuan thilphal ve ta ila kan kohhran hian eng chin nge a thlen ve theih ang? Bible chuan Pathian thilpekte vengtu leh enkawltu in ni a ti a. Chuvangin kan rosum neihte hi Pathian ram khawih che zawnga pek chhuah hi a bata kan bat a ni. 

Nangma nawmna satliah atan Pathianin sum leh pai a pe lo che a, i chenna khawvel tinuam turin malsawmna a vur zawk che a ni. Kan thil neihte chunga thlamuang satliah ngawt turin Pathianin eng thil mah min pe ngai lo. Midangte tana malsawmna kan nih theih zawkna turin mal min sawm țhin a ni.  

Chu chu beiseinaa innghat, kum tluan atana thudik min hruaitu tur chu a ni. Hun pawimawh țhenkhat Krismas leh Kumthar laia midangte tana luanchhuah ringawt hi Pathian Thu ațang chuan a tawk lo. Awmze neia I thil phal dan tur ngaihtuah la, nghawng neia in kohhran, i chenpuite, țhenawm leh khawtlang Pathianin a dahna hmun che a I chetchhuah theih dan tur ngaihtuah ang che. 

Hei hi i ngaihtuah ho ang u, "tun aia nasa khan lo thilphal ta la, i nun kha engtianga nasain nge a lo inthlak danglam ang?"

Thilphal I tum changin engin nge thilphal thei lo va siam țhin che? 

Midangte tana malsawmna ni turin Pathianin mal min sawm a ni tih hi tun karah hian a taka in nunpui theih dan kawng zawng ang che.

(Tawngtai Dan Tur)
Lalpa, midang tana malsawmna ka nih theih nan ka neih phak loh tur thil tam tak min pe a ni tih hi hre rengin, theih tawpa midangte tana luangchhuak turin min pui la, chu chu i thu a ni tih ka theihnghilh ngai lohna turin min pui bawk ang che, Amen. Ti ang aw.

Follow tih a hnuaia inziakah khuan i click dawn nia.