"Mi thilphal nunna chu tihthauvin a awm a, Tui leih thintu chuan mahni pawh a inleih a ni."(Thufingte 11:25)
"Thatna suala thungrultu chu thil tha lovin a in a chhuahsan lo vang."(Thufingte 17:13)
Davida leh Abigaili chanchinah hian zirtur tha deuh mai a awm a, Pathianin thatna lantirtu te, a tihthlawn loh zia a lang a ni, uluk deuhin zir ang o!
Davida hian, Nabala hnenah hian, i beram vengtute nen hun eng emaw chen kan awm hoa, an pawi kan khawih ngailoa, beram hmulmeh lai hun a ni bawka, khawngaihin tha i tih ang ang, i hnena ka tlangval rawn tirhte hi lo pe ve ta che tiin, mi a tir a.
Davida hian Pathian a tih avangin, Nabala ranpute chu an tibuai ngailoa, a rante pawh chu an khawihsak ngailo a ni. Tichuan, I Samuela 25:7 ah chuan, "I beram hmul mettute an awm tih ka lo hria" tiin Davida hian Nabala hnenah a tlangvalte chu, a sawitir kher a, "beram hmul an meh lai hi, ruai theh leh intihhlim hun atan an hman thin bakah, an ba te an rulh hun a ni bawk thin," tiin Jeffrey C.Geoghegan'a chuan B.S.W Vol 87 ah chuan a ziak a. Tin, I Samuela 25:36 ah chuan, "a inah chuan lal ruai theh ang maiin ruai a lo theh a, a ruih hle avangin Nabala chu a hlim huam mai a" tiin a in ziak a.
Davida mi tirh ten, an va biak chuan, Nabala chuan, deusawh takin Davida tlangvalte chu alo tawng khuma, Davida an han hrilh leh chuan, mi zali nen Nabala chhungkua te chu thah fai vek tumin an che chhuak taa. Chu chu, Nabala chhiahhlawh pakhat chuan alo hriaa, an pi Nabala nupui Abigaili chu a hrilh a, beram an ven laia Davida leh a hote an chunga an that zia tihian a hrilh bawka "chhun leh zan kan tan kulh an ni ngawt mai a" tiin.
Abigaili chuan, eitur chi hrang hrang a siam mawlh mawlh a, chung eitur te chu a chhiahhlawhte nen, Davida hnenah khawngaihna dil chungin anlo pe a, Davida chuan alo pawma "nang thisen chhuah thiam loh channa laka mi humtu leh keima kuta phuba la lova mi siamtu chu malsawmin awm bawk ang che" tiin Abigaili chu a tawng malawm nghe nghe a ni.
"Ni sawm hnuah chuan LALPAN Nabala chungah kut a thlak a, a thi ta a"(I Samuela 25:38) tiin a in ziak a. Tichuan, a pasal a thi tih a hriat ve leh Davida chuan, Abigaili chu a nupui tura va be turin mi a tir a, Abigaili chuan a lo remti a, Davida nupui a ni ta a ni.
1. Davida, Pathian thih zia leh a thinlung thatna hi a zira zir tlak a ni.
Zir mite chuan, Nabala ranrual leh ranpute hi Davida leh a hote an bula an awm avangin, an chhehvela hnamdangte hian, an khawih buai loh phah a ni an ti a. Chutiang khawpa, hlauhawm tham an ni a, Davida pawh hian a neitu Nabala thuloin a khawih duhloa, Pathianin nupui fing tak Abigaili a pek phah ta a ni.
He thawnthu ah hian, Davida thatna vawithum lai a hmuh theih awm e, a hmasa berah chuan Nabala ranrual a khawih duhloa, a dawtah chuan Abigaili'n khawngaih ava dilin alo pawm a, a dawt leh ah chuan Abigaili kha, a pasalin a thihsan tawha, a duh chuan a nupuiah emaw a hmeiah emaw a nei lui thei a ni, bakah hnamdang hlauh khawpa hotu lian a ni tawh bawka, chutiang pawh nise tha takin Abigaili ava bia (request) a ni.
2. Abigaili hi a fing hle tih chu a hriat mai a, chu bakah chungkaw hausa tak atanga chhuak ni mahse, a inngaithlawm hle a, chhungkaw hausa atanga chhuak a ni tih kan hriat theihna tur chu, Davida a neih dawnin chhiahhlawh panga a chhawm thei a. Tin, Davida in a pasal Nabala that a tum tih a hriat ve leh chhanchhuah tumin a theihtawp a chhuaha, Davida hmaah chuan a hmaia lei siin chibai a buka, a chhiahhlawh ten Davida nupui tura an va biak pawhin, a hmaia lei siin chibai a buk bawk a ni, chutiang hmeichhia a nih avang chuan Israel lal ropui ber nupui a nih phah ta a ni.
3. Nabala erawh, thatna chu thatnain a chhan let loh avangin, a nun a chhan phah ta a ni. Tin, Nabala hi a zirmite chuan, mi duham leh mi chapo tak niin an sawi nghe nghe bawka, a chapo em avangin an hnam kalphung, beram hmul mehni a, midang chunga thatna lantir ve pawh a ti duhlo nghe nghe a, a tuar phah ta a ni.
Lalpa, vangin tu hnenah pawh thatna lantir hrehlo ang u, Lalpan alo thlawn, a phal dawn silo a.
(Tawngtai Dan Tur)
Lalpa, i hming avanga thatna lantirtu te chu, tumahin hrelo mahse, nangin i ngaihtuah thina, an tan thiltha i ui ngailo a ni tih hriain, i hming avanga thatna ka lantir ve theih nan min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment