"Tin, chuta ta chu a insawn a, tuichhunchhuah dang a lai leh a; chu chu chuh tumin an inhnial ta lo va: tichuan "Tunah zawng LALPAN hmun zau tak mi siamsak ta a, he ramah hian chi tam tak kan thlah tawh ang," tiin a hmingah chuan "Rehoboth" a vuah ta a."(Genesis 26:22)
Isaaka chhiahhlawhte tuichhunchhuah laih chhuahsa chu, Gerar ranpui ten vawi hnih ngawt an rawn chhuhsaka, Isaaka chuan Lalpa a en tlat avangin tuichhunchhuah vawihnih lai an rawn laksak hnuah pawh chuan a thinrim duhlo a. Lalpan Isaaka chu tuichhunchhuah pek a banglo bawka, tuichhunchhuah vawithum an laihnaah chuan an rawn chuh tawhlo a. Tichuan, a tawpah phei chuan Philistin lal Gerar khuaa awm, lal Abimeleka chuan, Pathianin Isaaka chu a awmpui tih a hria a, chuvang chuan a hlau a, an chunga pawikhawihlo turin thuthlungah ava ngen zawk ta a ni.
Pathian vanga, kan chunga pawikhawihtu emaw, tisualtu emaw, min hawtu emaw chunga that kan chhuahna hi, "Lalpan A Thlawn A Phallo a ni." Chu mai bakah, Isaaka ang chiah hian, thatna kan lan tir avang hian, Lalpan min awmpui thin a, chu chuan mi hlauhawm, lal te leh roreltu te thleng pawha an hlauh, min nih tir thei a ni.
Keini pawh hian, Lalpa vangin, kan chunga tisualtu te chu, thatna in i thungrul zawk ang u, tichuan "Lalpan Kan Mawh Ala Ve Ngei Ang."
(Tawngtai Dan Tur)
Lalpa, nangmah avanga thatna lantirtu chu, i theihnghilh ngailoa, an vanduai reng emaw, an harsat reng i phal ngailo a ni tih hriain, nangmah vanga ka chunga tisualtu te chunga thatna lantir tlat thei turin min pui ang che, Amen. Ti ang o.
No comments:
Post a Comment