"Tin, chuti chauh chu ni lovin, kan hrehawmnaah pawh lawmin i awm ang u, hrehawmna chuan chhelna a siam a, chhelna chuan hriatfiahna a siam a, hriatfiahna chuan beiseina a siam tih kan hre si a."(Rom 5:3-4)
Harsatna i tawh chuan, hmasawnna hun thaah ngai rawh tiin, mi thenkhat chuan an sawi fo thina, dik pawh a dik viau, harsatna chuan min ti fima, nung mai mai thei kan nih loh zia leh kan thiltihte ti mai mai thei kan nih loh zia min hriattira chu chuan, kan nun hman mekah min ti tang thin a, hmasawn turin min pui thin a ni.
Mahse, harsatna kan tawh lai hian, rilru a nu duh em em a, thinchhiatte pawh a awl thin bawka. Mahni theihna mai chuan, harsatna kan tawh lai hian rilru hi, tih fim a har hle thin a. Harsatna kan tawh laia kan rilru kan tih fim theihna tur chuan mipakhat kan mamawha chu chu, Isua Krista a ni.
Harsatna ka hlaulo che, nangmah ai ka Lalpa Isua Krista a lian zawk tiin, i harsatna kha han bei ve teh le.
(Tawngtai Dan Tur)
Lalpa, harsatna ka tawh min phalsak avangin ka lawm e, ka lawm chhanchu i tello chuan engmah ka nih loh zia he harsatna hian min hmuh fiahtir avangin, mahse Lalpa harsatna hi hlawkna chharchhuak tura ka paltlang theihna turin, i awmpuina ka mamawha, nangin min awmpui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment