"I chunga rilru nghattu chu, nangmah a rin che avângin, thlamuang tak maia awm tûrin i veng ang."(Isaia 26:3)
"Davida chu a lal tirh lai chuan kum sâwmthum mi a ni a, kum sâwmli a lal a."(II Samuela 5:4)
Davida hriakthih a nih lai taka a kum zat hi, bible-ah tar lan a niloa, mahse Hebrai tawnga "Naar" chu chu naute atanga kum 18 bawrvel sawi nana an hman chu, Davida nihna sawina atana hman a ni. Saula khan, Davida hnenah Goliatha a beih dawn khan, naupang mai ila ni si a, a tihna ah khan "Naar" tih hi a hmanga, chu vang chuan mithiamte chuan, Davida hi zawlnei Samuela'n hriak a thih lai khan kum 17 vel niin an ring a ni. Tichuan, kum 30 a nihin Israel lalah a thu ta a ni (2 Samuela 5:4).
Kan han sawi tum tak chu, Davida kha hriak thih a nih leh a lal inkar kha kum 23 vel lai a ni a. Chu chuan a tihlan chu, hriak tih kan nih rual rual hian, Pathianin rawngbawl nghal turin min tikherlo a, a dinhmun min pek a tiamah pawh min hlangkai nghal kherlo bawk a ni. Kum 23 bawr vel chhung, nasa takin Davida a zirtir (process) ang chiah hian, keini pawh hriak min thih tawh mahse, min la zirtir phawt thin a ni.
He zawhna pahnih hi han chhang dun ang hmiang.
1. Davida kha, zirtir a nih lai khan harsa leh hreawm a ti em?
Chhanna: Aw ti e, tlanchhe tura Jonathana nen an inthen dawn lai phei kha chuan, indo thiam leh sipai rorum tak pawh nise, Davida kha a mangan em avangin, nasa takin a tap a ni. Tin, khaw chhungah a awm ngam loh avangin, pukah a hote nen an awm thina, eiturte pawh a neiloa mi hnenah a dil hial bawk a ni.
2. Hriak thih tawh i ni a, mitha zawk leh hmantlak zawk i nih theihna turin, Davida ang chiah hian zirtir i nih ve avangin, harsa leh hreawm i ti ve a nithei a ngem?
He zawhna hi chu, nangmahin ilo chhang dawn nia.
(Tawngtai Dan Tur)
Lalpa, a rem emaw, remlo emaw, a harsa emaw, harsalo emaw, i tana rinawm tlatte chu, nangin i theihnghilh ngailoa, a hun i tih takah an tana dinhmun i ruatsakah chuan, i dah thin a ni tih hriain, i tan ka rinawm ve theihna turin min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment