LALPAA HAHCHAWLH

'Hahchawl' tih thumalah hian 'chawl' tih hmain 'hah' tih a awm a ni.

Chawlhna diktak chu hah taka thawkrimte hnenah pekin a awm thin. 

Chawlhna hi a thawha thawh chhuah a ngai a ni.

Isua pawhin thawkrimte hnenah tiang hian thu a chah kha: 
"Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang. (Matthaia 11:29)

Isua nghawngkawl bah awmzia chu khawvel sual lak ata tih hrana awm hi a ni. Chumi tur chuan nitina Pathian thuawih turin kan bei anga, sual do vin theihtawp kan chhuah anga, thlarau indona chu bei a nih chuan, hah chang pawh a awm ang. Mahse chumi piah chiahah chuan thlamuanna, hahchawlhna a awm thung si a ni.

Khawvel mite ang maia i awm khan chawlhna i hmu ngai lovang. Hlimna tluantling lo chu i hmu fo ang, mahse chawlhna chu Isua nghawngkawl bahpuia, rim taka sual do thinte ta a ni.

(Tawngtai Dan Tur)
Lalpa, nangmahah ka chawlh theih nan, nasa taka sual do thei turin min pui la, i duh anga nunna ah hian chawlhna tak tak i mite tana i dah that chu a awm a ni tih hriaa, i duh anga ka nun tlat theih nan min pui ang che. Amen. Ti ang aw.