"Tin, heti hi a ni ang a, annin mi koh hma pawhin ka chhâng ang a; thu an la sawi lai mek pawhin ka bengin ka hria ang."(Isaia 65:24)
Valentine's Day a ni dawn a, kan college campus ah chuan party lian vak lo zirlai tan bik siam a ni dawn a, nidang chu ni sela ka eng theng thawngah mah a thawh awm loh teh lul nen, Valentine's day leh party tih vel ka lawm loh thin em avangin ka thiante pawhin Kaity Stone (Lungtumi) min ti nghe nghe thin reng a.
Mahse, tun tum hi chu kan college ah star ka nei ve a, chu party ah chuan kal dun puiah min sawm se ka ti em em a, Pathian hnenah pawh ka star chuan min rawn sawm theihna turin ka dil hial a ni. Ni e, kan college ah hian hmel huat loh pahnih ka nei a, pakhat chu tuna ka star ngawih ngawih Peter Wilson-a a ni a. Ani hi sport a thei a, lehkha lamah erawh a laihawl vel a ni a. Pakhat zawk chu Mark Jones-a a nia, ani hi sumdawng lian fapa a nia, lehkha a zir nasa em em a , sunday'a a inkhawm leh kan campus ministry thil tiha a tel bak hi chu a chhuak meuh lo a ni. Zing lamah erawh kilometer 2 vel a tlan ziah thung a, an hmel vel hi chu an tha dun ve ve in ka hria a, Marka hi a puitling zawk a . Mahse, a felfai em avang leh an chhungkua an len avangin, biak inah te in hmu thin mah ila ka star ngam lo va, ka rilruah ka dah lo law law a ni.
Petera erawh a tal ve buah buah thin a , ka star ngam ve viau a, ka star rei deuh hnuah chuan ka vei ta hle mai a, bialnu a nei hranpa lo bawk a , V'day ah party a kalpui (date) tura min sawm ka beisei ve ringawt a, min sawm se ka tih vang a ni ber ang. Min sawm mai ta si lova, min sawm theih nan ka tawngtai tluk tluk a, mahse min rawn sawm ta lovin, kan thiannu pakhat chu a sawm ta zawk a.
Ka rilru hi a lo na veng veng a, V'day zanah chuan awm ngaihna ka hre lova, tumahin partya kal turin min sawm si lo nen, tichuan ka nu ka va phone a, a ni chuan ka dinhmun a lo hrethiam nghal a . I duh angin V'day i hmang na nge min lo tia, tichuan ka rilrua awm zawng zawng chu ka hrilh ta a.
Tihian ka nu chuan min hrilh a "Katy (katherine lam tawina) ka fanu duat, Pathian neitu i nih kha, amah chu vuan tlat la, i beisei aia tha pek a tum che chu a pe ang che, i duh anga vawiin a in herchhuah loh chhan pawh hi, Pathianin remruatna tha zawk i tan a neih vang a ni, harsa mahse Lalpa ka ring che i kutah ka inkawl tir e tiin tawngtai rawh aw," a rawn ti a.
Tichuan kan in biak zawh ve leh peih chu ka peih lo, tul pawh ka ti lo, mahse a tha ber ang tih ka rin avangin ka thingthi a" Lalpa ka ring che, i kutah ka inkawl tir e, ka kawppui atana tha i tih ngei chu min pe ang che" ka ti ta a. Ka tawngtai zawh chuan ka sorority sister ho (university hmeichhie awmna) chu an rawn haw hlawm a, a nuam an tih zia te chu an sawi nak nak a. Miss Stone i lo kal ve lo va, a nuam i tih dawn nen min ti liam liam hlawm a.
A tukah chuan, campus ministry inhmuh khawmnaah chuan Marka nen kan inhmu hlawl mai a, kan inkawm tui hle a, in sorority thleng ka lo thlah ang che a tia, tichuan min rawn thlah a. Mahse, kan inbe chhun zawm ta lem lo va , in zawmna em em kan nei miau lo va, a chhan chu ka tan a sang lutuk hian ka hria a.
Tichuan, kan zirchhuak a Pathian zarah "Law"(dan) zir chhuak hlim hlawl e ti lo chuan, firm tha takah ka thawk ve thei ta hlauh mai a , kan firm "Next Law" chuan U.N.O ram leh ram in kungkaihna vel kan khawih tel a, chu mi lamah chuan kan pu ten min dah a.
Kum 2 vel ka thawh hnuah chuan kan khua, Georgia ah chuan kar khat vel chawlhna hun remchang ka nei hlauh mai a, ka nu leh pa te awmna hi khawpui atanga km 5 vel a nia, ka nu leh pa te chuan min lo ngai ve hle maia, ka nu chuan kan kohhran mi hoten an sawi thin che a an chhuang lutuk che a lo tia. Ka room hluiah chuan riahna min lo siama tichuan bungrua vel kan rem fel chu ka tlu palh hlauh mai a, ka ke a pem duai mai a, thui ngei a ngai a.
Kan in atanga hla vak lo M.G.R hospital ah chuan kan va thui tir a. An thui zawhah chuan test hrang hrang lak hrim hrim a tul thin sia, a serious vak lo bawk a ka chhungte chuan kan lo va hawng ang a i room kan lo va remfel ang e an tia.
M.G.R Hospital hi compound nei tha tak a ni a, medicine leh general surgeon chauh a awm avangin a thang hran lo va. He tih hunlai vel hian, Pu. Jones-a, Mark-a pa chuan M.G.R hospital chu partner puiah a sawm a. A chhanchu Marka hi Neurologist a nia, neuro natna neite hian exercise lak nan hmun zau leh thawveng an mamawh vang a ni.
Pu Jones a chuan a fapa te thian dun, Marka leh Rajesha (India mi US-a sei lian) te chu holiday hman pahin hospital va tlawh turin a tia. Georgia hi tuifinriat bul a nia, tui kam velah mi tamtak an chawl thin reng a.
Hemi niah tak hian, damdawiin chu an rawn tlawh ve a, ka pu hian Pathian thu lampang lehkhabu hi a ziak ve nual a, Marka chuan airport a chhuah pahin ka pu lehkhabu pakhat chu a lei a, a documents awmnaah chuan a dah a, damdawiin a documents an han phawrh vel lai chuan, ka pu lehkhabu chu a phawrh tel a, damdawiin receptionist chuan Pu. Morgana lehkhabu alo a tunu ni awm tak Katherine Morgan kan damdawiinah a awm asin a tia. Rajesha chuan a thianpa Marka chu a fiam nghal ta a, kha Katyi kha maw, a tia. Marka chuan kan Katyi hriat te chu D.C ah U.N.O dan leh dun buaipuiin a awm alawm, midang a niang a tia.
Rajesha chuan, khaih khaih khaih thianpa kan tawngtaina Pathianin a chhang dawn a niang a tia. College kan kal lai khan, Marka hian date ah min lo sawm a lo rilruk ve thina, mahse Pathian hun ruat a nih loh vangte pawh a niang chu, min lo sawm ngam lo va, kha V’daya Petera'n party kalpuiah min sawm se ka tih ngawih ngawih zan khan, Marka leh Rajesha te hi partyah an lo kal bik lo va, Marka rilru chu ka lo luah ve ni tur a ni. An Fraternity (an hostel) inchung atang Marka hian darkar khat dawn lai ka room lam a lo thlir a. Chutia a thlir lai chuan, hnual takin a pa ava phone a, A pa chuan, "Bawiha i ta tur chu tumahin an neih sak lo ang che, duh angin nun hi a kal vek lova, mahse kan Pathian kutah kan nghat ang a ani'n keini ai remruat tha zawk a nei alawm, ka lo tawngtai pui che a nga tihian lo tawngtai ve rawh aw! Lalpa ka lawm e, a hun taka min pek turin nupui min dahthat sak avangin, Katyi leh an chhungkua malsawm ang che" a tia. Tichuan, a room ah a chhuk a , Rajesha nen chuan an tawngtai dun ta a lo ni a.
Damdawiinah chuan, Rajesha chuan chu Katyi chu ka va en reng reng teh ang, kan Katyi kha a ni mahna a tia. Marka chuan keimah ka nih a beisei lem loh avang chuan, rawn phei leh vat ang che tih tur kan ngah hi a ti ringawt a. Ka roomah chuan Rajesha chu a rawn lut hlawl a, Katy i tha em a rawn tia, kei chuan nang i nia law, Raj ka rilru checkup a ngai a mi ka lo tia, a chhanchu Rajesha hi psychiatrist a ni a, Marka nen an lo thawk dun char chara, a chhanchu neuro lam natna tawkte hi, an rilru lam enkawl tel a tul thin vang a ni, amahin damlo tamtak nei mahsela Marka a lo support reng thina, tin Marka te pafain Raja hi kawng tamtakah an pui let ve leh bawk thin a.
Raja chuan checkup ngai lo e, tih pah chuan a nui vur vur a room atang chuan a chhuak leh vuta. Marka hnenah chuan, ilo kal velo chu i ti fuh khawp mai ava tia, ava fiam a, Marka chuan a awmzia a hrethiam a, ka room a Marka rawn kal tur chu kawngkhar bulah chuan Rajesha chuan a dang bet der vela. Ka mutna atang chuan an thawm chu a ri deuh rum ruma, engtak chu ni ang maw ka lo tia. Chutia an thian dun an infiam vel chu, M.G.R hospital Dr senior Pu. Clarka chuan tunge in niha, hospital chhung a nih hi a rawn tia. An infiam chu an tawpa, Marka chuan Jones Corporation palaite kan nia, he room a patient awm hi kan thian hlui a ni a, tlawh zawk kan tum alawm mawle! a tia. Pu Clarka chuan, chutiang a nihte chuan lut vat ta che u mawle, Jones Corporation kan lo lawm a che u a tia.
Marka leh Raja chu an rawn luta, eng nge thil awmzia kalo tia, Raj a chuan i mental (rilru) test a ngai loa, i nerves (tha zam) test a ngaia, alo tia. Marka chuan test la turin kan lo kallo, damdawiin nen hian thawh ho kan tuma, i awm tih kan hriaa kan rawn tlawh che a, i tha em, a ti a. Kei chuan, ka tha test an zawhah ka haw ang, eng thilah nge inthawh ho dawnna ka tia. Marka chuan, zaninah dinner ei dun ila tah chuan ka hrilh ang che a tia, Raja chuan finally (a tawp a tawpah) alo tia. Date'a min sawm chu, ka lawm viau a niang ka awi hleithei loa, chu vang chuan ka duh loa, ka dam loh hi ka tia. Raja chuan, i dam lohte chuan doctor bula awm a tha ber alawm a tia, Marka chuan a rang a rangin dar 8 ah ka rawn pickup thei che a ngem a ti a. Mifel tak, star pawh ka star ngam loh thin khan, chhuah puiah min sawma enge kalsual thei ang le ka ti rilrua, aw ka ti ve ta ngawta.
Tichuan, zanah chuan dinner chu kan ei duna, an hna chungchang chu min hrilh a, kei pawhin chawlh ka hmuh vangin karkhat chhung Gerogiaah ka awm dawn tihte chu ka hrilha. Marka chuan voin hi Valentine’s day a ni tih i hria em, a tia, kei chuan hriat chu ka hriaa, mahse nidang nen a danna vak pawh ka hre hran lo ka tia. Marka chuan eng show emaw a awm hrim hrim ang a tia, kan inhriatna rei viau tawh mahse, kala nel chiah loh avangin, kei chuan haw mai ka duh ka tia. Chutih lai tak chuan, town house ah Casting Crowns an concert dawn a nih hi a tia, kei chuan Casting Crowns a! C.C an nih chuan va kal ila ka tia.
Town house pan chuan kan kala, car’a kan chuan lai chuan, ka ngaihtuah neuh neuh a, hun rei tak inngaizawng tawh ang mai hian ka pawh riau hian ka hriaa, Casting Crowns alo duh ve leh zel te chu ka lawm khawp mai. Ka kut hi rawn vuan se ka ti rilru khawp maia, mahse mi fimkhur tak a nih avangin a tih ka ring loa, Town house kawt kan va thlen chuan, mi an lo tam hle a, min nek nawk nawk mai, chutiang a nih avang chuan rang takin ka kut chu a rawn vuana, kal vat vat ila, mi an tam sia a tia.
Concertah chuan Casting Crows chuan an hla pui “The Voice Of Truth” an sak lai chuan ka hnuk hi a ulh ngawih ngawiha. He hlaah hian, mihringin a theih loh kan tih thinte hi Lalpa aw, aw dik zawk chuan keimah nen chuan a theih a ni, tih lampang a ni a, Marka nen kan chungchang ka ngaihtuah pawhin min khawih hle a. Chutiah lai chuan, Marka pawh chu, chu hla chuan a khawih a ni tih hriat rengin alo maimitchhing vang vanga, The Voice Of Truth an sak zawhah chuan, an hla ropui tak “Who Am I” tih chu an sa leh a, he hla an sak lai phei hi chuan ka mittui ka sum zo ngang loa, he hlaah hian Lalpa ringlo thintu misualte hi Lalpan min hmangaih renga, engkimah min ngaihtuah thin tih thute chu tarchhuah a ni sia. Lalpa tana ka rinawm loh teh lul nen a ni chuan min ngaihtuaha, star pawh ka star ngam loh nen ngei “Who Am I” tih hla chu kan ngaithla dun a ni.
Marka chuan, ka mittui a tla tih a rawn hmuh chuan, Katyi i tha em a tia. Kei chuan tha e, “Who Am I” hian Pathian thatna min hmuh fiah tir thin vang alawm ka tia, Marka chuan kei pawhin he hla hi chu ka duh khawp mai, ka play listah a tel ngei ngei a tia. Concert zawhah chuan, haw turin car ah kan chuanga, car a kan chuan lai chuan, ka rilruah Marka hian zaninah hian inneih puiah min sawm ta sela, aw ka tih loh vek pawhin ka buai viau ang tiin ka ngaihtuaha, a chhanchu Pathianin a hun taka min in tawn tir leh niin ka hriaa, chu vang chuan ka ngaih a tha hlea, kan in pawh ngawih ngawihin ka hre bawka. Kan in kawtah chuan, car a kan la awm dun laiin, Marka chuan Katy Pathianin min intawn tir leh a nih i ring ve em a tia, kei chuan ka ngaihdan ka sawi zah deuh avangin ka hrethiam lo le, ka tia. Marka chuan, kei chuan a nih ka ringa, zanin chu nidanga date ka neih angin ka awm miah lo, Pathian nen kan leng dun ni berin ka hriaa, chuvang chuan kan first date mah nise tawngtai dun ang hmiang a tia. Ka kut a rawn vuana, kan tawngtai dun taa.
Hun a kala, Marka nen kan awm hran changte a awm thina, mahse kan inkarah Lalpa a tel tlat avangin, nghet takin kan invuan zela. Kum 3 vel kan inngaihzawn hnuah chuan, kan engage (inhual) ve taa, kan engage hnu kar khat velah chuan, Marka chuan a chhungte hmu turin min sawma, a chhungte nen chaw kan kil ho taa, chaw eidawhkanah chuan, Marka pa chuan Katy bawihi, Pathian hnathawh dan hi amak a ni, kum 10 kaltaah khan ka fanu i nih theihna turin kan pafa’in kan dil tawh asin, a tia. Kan inneih hma chu Marka pa hi Mr. Jones tia koh awm a ni a, mahse chutiang thute ka hriat avang chuan ka insum zo loa, Daddy (kapa, apa) tiin ka koha “ Kapa, kum 10 kaltaa in fanu nitura Pathian hnena in lo dil avangin ka lawm e, in fanu ka ni tur hi Pathian hnenah lawmthu ka hrilh fo thin” ka tia. Chaw ei dawhkanah chuan lawm avangin kan mittui a tla theuh nghe nghe a ni. Tichuan, tawngtaina chhangtu Pathian chuan, Marka leh a pa tawngtaina leh ka nu nena kan tawngtaina chu a chhang ve ve a, hlim takin Marka nen chuan kan in nei ta a ni.
Nang pawh kawppui ila nei lo a nih chuan, Pathian hnenah tawngtaiin dil thin la. Kawppui i nei tawh a nih chuan tawngtai dun thin ang che u. Tun Valentine's day hi in tawngtai dun bul tanna ni ah, lo hmang ang ang che u.
(Tawngtai Dan Tur)
Lalpa, a hun takah ka tana i ruat tak chu min pe turin ka ngen chea, chu min ruatsaka chu ka neih theih ngei nan i duh anga nungturin min pui ang che, Amen. Ti ang aw.
(kan pian hma atang kan kawppui tur hi Pathianin min ruat lawk sak loa, nun kan hman dan a zirin kan kawppui tur min ruat sak ti ila kan sawi sual awm lo e)
Follow tih a hnuaia inziakah khuan i click dawn nia.
No comments:
Post a Comment