"I thinlung zawng zawngin Lalpa ring la, Nangma hriatnaah innghat suh; I kawng zawng zawngah amah hre reng la, I kawngte chu a kawhhmuh zêl ang che."(Thufingte 3:5-6)
Josepha nun kan en chuan, a unaute nen ran an vulh vek a, an unau zingah naupang lam a nih avangin, an ran vennaah a hotu ber emaw, ran enkawltu ber a ni lem loa, mahse an chhungkaw eizawnna anih avangin eng ti kawng zawng emaw tak chuan an chhungkua leh an unaute kha ran vulhtu an ni vek a ni.
Josepha kha, a uanute lakah khan hran a tum lem lo, mahse a unaute khan an en hranga, tichuan mumang danglam lutuk a nei ta a nih a.
Hetiang ang tho hian, Mosia pawh a nih kha, Hebrai fa mahse Aigupta malchunga seilian a ni a. Aigupta ho tan khan, a Hebrai tlata, Israel (Hebrai) ho tan lah khan a Aigupta tlat, chutiang a nih rual chuan engtin emaw tak a Aigupta tlata, engtin emaw tak a Hebrai tlat bawk. Tah tak chuan hun a liam a liam a, Aigupta ho lak atang Israelte hruai chhuaktu tur a nih dawn chuan, chutiang ang mizia chu a neih a tul si a ni.
A chhan chu, Aigupta lal a biak a ngaia, Aigupta lal a biak dawn chuan Aigupta ho tamtak a biak tel thin a tul bawk ang, chuvang chuan Aigupta ho zia a Aigupta ho a hmachhawn a ngai dawn tihna a nih chu. Chutih rual chuan, Israel ho kha kum 430 (Exodus 12:40) teh meuh Aiguptaah an awm tawha, an awmna hmun atang hruai chhuaktu anih dawn chuan, Hebrai zia a man hneh a ngai a ni. Tunlai tawng takin, Mosia hian Aigupta leh Israel ho kha an hnam zia put hmang ang tak khan a connect (zawm) thei ve ve a, chu chuan an mahni mi lehsa anga a entir theih rualin, an mahni mi leh sa ang chiahin a entir theih loh bawk a ni.
Nangma nun nunah lut tawh ila.
I classmate i kawm bawrh bawrh thei a mahse hran riauna i nei si emaw, i thian ruihhlo tite bulah i awm ve thei thoa mahse hrang riauin i in hre si emaw, (eng rawngbawlna mah kan sawi chhia niloin) i rawngbawl puite nen nasa takin rawngbawlnaah in thawk ho theia mahse danglam riauin i in hre si emaw, i thawhpuite nen in awm ho bawrh bawrh a mahse zawm chiah lohna i nei si em?
Hetiang hian i awm a nih chuan, i hma hunah Lalpan tih tur bik tak a ruatsak che a ni theia. I tana Lalpan a ruat ngei a chu i neih theih nan, Lalpaah awm tlat ang che.
Josepha kha a uanute bulah khan leng (fit in) sela chuan, a uanute bulah hmun leh chan a nei a nga, Pathianin a hman duhnaah a hmang theilo ang. Mosia pawh, Hebrai ho emaw Aigupta ho emaw bulah khan, leng sela an mahni ang chiah chiah kha nisela, Israelte hruai chhuak theitu niturin theihna a nei lo ang.
An ni ang chiah hian, i tih tur tak i tih theih nan Lalpan nangmahah ze hran bik (quality) a siam chhuak a nih kha! Chuvang chuan, Lalpan nangmahah zia leh theihna puitling tak a siam chhuah theih nan, Lalpa nghet takin vuan la, a thu zawm la, a zirtir reng che tih hriain thu awi takin zir ang che.
(Tawngtai Dan Tur)
Lalpa, ka tana tih tur bik i ruatte hi, i duh anga ka hlen chhuah theih nan, min zirtir duhte tha taka zir thei tur leh nghet taka nangmah vuan tlat turin min pui ang che, Amen. Ti ang aw.
Follow tih a hnuaia in ziakah khuan i click dawn nia.
No comments:
Post a Comment