"Chutichuan, chhumpui nasa tak ang thlirtuten min hual vel avang hian, min tihnawk apiang leh sual keimahnia bet tlat chu i dah ve ang u, tin, Isua, kan rinna siamtu leh tifamkimtu lam chu enin, kan hmaa intlansiakna tur awmah chuan chhel takin i tlan zel ang u."(Hebrai 12:1)
Football inkhelah hian, inkhel hmuhnawm ber chu, a tira chaklo zawkin an lehthal leh hi a ni thin a ni.
Brazilian thalai pathum Fernanda, Jose leh Lucas, te chu Barzil team tha tak Vitoria ah telin, Brazil league lian "Brazilian Championship A" an khela, an coach Brenoa hi pa dangdai em em a nia, players tha pangngaia engemaw zah duh tho thin mahsela, midangin players thaa an ngaih lem loh te hi a duh tlat thina, a chang chuan a tihsual phaha, a chang chuan a chak pui bawk thin.
Brazil football ngaina tute mak tih tur hrim hrim emaw, tih mai turin tun tum an league khelhah pawh hian, discipline nei chhia leh khelh that nei tlem em em mai, Lucas'a chu an team captain-ah a hmang tlat peka. An vannei hrim hrim nge, Fernanda leh Josea ten an thianpa mualpho an hlaua theih tawpin an khelh vang zawk ni ang, "Brazilian Champianship A" ah meuh chuan Lucas'a captainna hnuai final an lut chu a chhan an inrin siak mek bawka.
He mite thian pathum hi, an la upa lo a, junior high schoolah team khatah an khel hoa, Lucasa hi discipline nei chhe hle mahsela an chhungkua an hausak deuh avangin, a thian pahnih Fernanda leh Josea te chu an neih phak loh ballboat tha a leisak bakah eitur tha a pe thina, chu mai bakah an practice dawnin a car in a sawm thin a. Hei vangte pawh hi a niang, Lucasa hi an support that, Lucasa signna team apiangah an sign ve zel thin bawk a ni. An ni thian pathum hi Brazilian ho chuan "Combination Trio" an ti thina, a chhanchu an position hrang hrang atang tha taka an in thlawp thin vang a ni. Lucasa hi midfield vei lamah a tlan a, Jose'a hi striker a nia, Fernanda hi centre back a ni thunga.
A thian ten Lucasa mualphona tur an hliah miin an tih chhan chu, Josea hian ball chhe deuh pawh a thun thei zela, Fernanda hian Lucasa tihsualte hi a hnung lam atang a rawn thual tha zel thei thin a ni an ti. Tun tum final ah hian, Guarani defending champion te nen an inkhela, inkhelh chanve hmalamah chuan, Lucasa'n vawi tamtak a tihsual avangin Guarani te chuan Vitoria te chu an sawp hrep mai a, 2-0 laiin hma an hruai a ni.
Half time chawlh lai chuan, locker-ah, coach Brenoa chuan an inkhelh chhunzawm dan tur te chu a sawi mawlh mawlh a, chutih lai chuan Lucasa chu a mittui a tla zawih zawiha, amah vangin an team an khel chhia tihchu a hai loa. Inkhelh an tan leh dawn chuan, an lut leh sang sanga, Lucasa chu coach in a thlak ngei a rin avangin, a tho lawk loa. Coach Brenoa chuan, hmanhmawhta che a tia, Lucasa chuan coach ka tisual nasa tawh bawk si a, a tia. Brenoa chuan "Lut rawh, inkhelh ala tawp loh hi" a tia.
Josea chuan ground bulah alo nghaka, Lucasa bulah chuan kan la chakthei hun ala awm alo tia. Lucasa chuan kan chak chhuan i inkhawmnaah ka rawn zui ve ang che a tia.
Match an han tan leh chuan, Lucasa chuan eng tin tin emaw ball a chang fuha, a khelh that loh avang chuan tumahin an check lem loa, Josea a pass tur chu an chang zawk mah maha, goal post atanga yards 10 vel atang chuan Josea pass turin a pet a, Josea chuan a goal theih zawk a rin avangin ball tawk loin a leave a, goal post fuhin goal chhungah chuan ball chu a lut ta hlauh maia mipuite chuan a goal an ti tuar tuara.
A goal avang chuan an tumpui Guarani coach chu a hlauthawng em em a, Trio ho kha veng tha ta che u, a ti tuar tuar a. Tichuan, Trio ho chu team lehlamte chuan an ven nasat lutuk avangin, an team mate dangte an ven hmaiha, chuvang chuan Vitoria ho chuan an thun leha, 2-2 a ni ta. Team lehlam chu an zam tawh tak zet a, tv lam leh radio a lo comment tute chuan cameback turu tak kan thlir mek a ni an lo ti mawlh mawlh bawka, team tha ve ve an intuma, chak tur zawk ala hriat loh hle maia, chutih rual chuan team lehlam Guarani players te chu an chiai nasa hle tawha a chhanchu Trio an ven loh lahin an hlauhawm bawksi, an ven lahin Vitoria players dangte an hlauhawm tho bawk si.
Josea phei chu an pettlu nasa em em a, mahse Kristian tha a nih avangin thinrim hauhloin gameah a insawr bing tlata, mahse lehlam an defensive tawh bawk nen a tua mah mahin minutes 15 vel chu goal attempt mumal pawh awm loin ground laiah chuan ball chu a kalkual a kalkuala. Nakinah chuan, Guarini hoin Josea an check lutuk chu, an goal lam hnaihah an titlu hlauh maia, inkhel entute chuan penalty a hlawhchhuak dawn emaw anti viau hmana mahse, area pawn hret alo nia. Chutah tak chuan tisual reng thin Vitoria team captain Lucasa chuan thutlukna har em em chu siam tulin a hre taa. An team chuan strategy maksak deuh mai hi an neia, chu tectic chu an coachin hman pawh a phal ngai loa, mahse Lucasa chuan chu tectic chu hman a tulin a hriaa, chu tectic hming chu 45 strategy an ti nghe nghea, Lucasa chuan a team mate te bulah chuan 45 a ti tuar tuara.
Fernanda a chuan kan tifuh a nih chuan i car keimah ngeiin ka silsak ang che a tia. Vitoria free kick thiampuipa Fernanda chuan a kick taa, cross ball siam tur awm ang takin, corner bula player pakhat chu a kangin na takin ball ava pea, ball a pek rual chuan Trio ho chu goal zawnah an tlanlut vek nghala, team lehlam chuan chan tur ber an hre ta loa.
Chutih lai tak chuan, Fernanda a ball pek pa chuan, an mahni lamah lehlam team umphak lekin ball a pet pheia, lehlam striker ho chuan ball chu an um nghal vata, chutih rual chuan Vitoria defender a hnung bera ding chu centre hma hret atang ball a rawn um ve nghala, lehlam striker ten ball an lak hma hret chuan, ball chu a rawn la hmana, a ke veilamin ball chu a siamrema, a ke dinglam chuan na takin goal zawnah tak chuan a pet ta a.
Lehlam player zawng zawng an keeper thlengin anlo up tawh nen, goal ruaka pet lut ang maiin ball chu lehlam goalah chuan a lut taa, tichuan Vitoria ho chu, an captain Lucasa vang chuan an chak phah ta a ni.
Lucasa khan, a tihsual nasat em avangin match khel chhunzawm tlakah pawh a inngai tawhloa mahse, an coach Breno'n "Inkhelh ala tawp loh hi lut leh rawh" tia chance a pek leh avang khan, Lucasa chuan a theihna zawng zawng a sawm khawma, an chak phah theihna tura thulukna pawimawh chu a siama, an chak phah ta a ni.
Keini pawh vawi tamtak tisual tawh mah ila, kan Pathian chuan "inkhelh ala tawp loh hi, bei leh rawh" tiin chance min pe leh thina. Kan theihna zawng zawng sawm khawmin, min chhandamtu kan Pathian tan leh vana kan lallukhum chu kan chan theihnan theihtawp i chhuah ang u.
(Tawngtai Dan Tur)
Lalpa, eng ang pawhin tisual nasain, tisual tam tawh mah ila, nangchuan chance min pek leh thin avangin ka lawm e, chance tha min pek hi bawhpelh loa, i rawngbawla theihtawp ka chhuah theih nan min pui ang che, Amen. Ti ang aw.
(thawnthu khi fiction a ni)
Follow tih a hnuaia in ziakah khuan i click dawn nia.
No comments:
Post a Comment