"Ani chuan, "Ngai teh u, mi pali phelha mei laia vei vei a, na hauh lovin ka hmu a, a palina landan phei chu pathiante fapa ang a ni," a ti a."(Daniela 3:25 )
Sadraka, Mesaka leh Abednago-a te thian za ho chu meipuia paih mai hmabak an ni a.
Bible-ah lang lo mahse a hmazan kha chuan Pathian hnenah ruah dilin emaw, Lal Nebukadnezzar-a thinlung thlak turin an tawngtai a rinawm. A chhan chu an Pathian khan a chhan chhuah theih an rinzia chu Daniela 3:16-17-ah kan hmu a ni.
Mahse a tuk a lo ni a, Lal thinlung chu sawhsawna hnekin meipui chu a let sarihin a tihsat tir a, chhum reng reng a lang lo va, Ruahin sur a tum hmel loh hle a. Mihring lamah an beiseina a fail vek tawhin a rinawm.
Mahse Pathian hi a chet har poh leh a hnathawh hi a ropui mai a ni, a chet har poh leh a turu ting mai a ni.
Meipuiah paih luhin an awm a, Pathian chuan a dinpui ta tlat mai. Thilmak kan hmu ta a ni.
Ruah emaw surin meipui kha nan mit ta vek sela chuan Thilmak a tling lo vang, Bible-ah pawh a chuang kher lo vang.
Chuvangin maw a harsa a nih pawhin nghak det rawh. Pathian hnathawh ropui chu i chunga thleng turin ruahmanna siam fel a ni.
Eng dinhmunah pawh ding la, eng kawngah pawh harsatna nei la, Pathian chuan i kianga din hun a hria a, i nghah det a ngai. A chhan chu lei dana a narana chet a duh lo va, i chungah thilmak thlentir a tum a ni.
(Tawngtai Dan Tur)
Lalpa, min chhanchhuah hun tur hi, harsatna ka tawh hma pawhin i ruat lawk diam tawh a, chu vang chuan i tlai ngailo a ni. Eng pawh thleng sela, nangmah a innghat tlat chunga, i chet hun nghak tlat thei turin min pui ang che, Amen. Ti ang Aw.
Follow tih a hnuaia in ziakah khuan i click dawn nia.
No comments:
Post a Comment