"Tichuan thil tha tih i ning suh ang u; kan inthlahdah loh zawngin a hun takah chuan kan seng dawn si a.(Galatia 6:9)
I chhehvela mite dinhmun tha zawka an din tak avangin i zam ta mai em?
Israel hnamte kha Aigupta atang an chhuah khan, harsa tak an ni, Lalpa'n kha an harsatna chhungah khan zirtur a dah sak vang a nih a rinawm. An harsatna chhungah khan zirtur dah sak lo sela chuan amah hre lotu hnam an dinchhuah laiin, an harsat a phal biklo ang.
Edom ram an thlen lai hunah lek phei hi chuan dinhmun harsa takah an ding a ni, Edom ram lal hnenah i ram kan lo kal tlang a nga, kan kal pahin i ram ami tui kan in lo a nga, loah emaw grep huanah emaw kan kal lo ang, lam lianah kan kal tlang ringawt ang, an ti chung pawhin, Edom ram lal'in an rama kal tlang a phal loa, an mahni beih a tum a.
Chutiang a nih avang chuan Edom ram chu kal hual turin Hor tlangah an kal kual ta a, chutia an kal lai chuan Arad lal'in alo beia Israel mite thenkhat chu salah a man nghe nghe a ni.
Israel hnamte hi an va lungngai dawn tak em, an lungngaih em avangin an rilru a buaia, Pathian leh Mosia kalhin an tawng palha, Pathianin an mahni chuk turin rul a tir ta a ni. Tichuan, Pathian leh Mosia hnenah ngaihdam an dila, Mosia chuan dar rul siamin, a khai kanga chu darrul an en chuan an dam ta a ni.
Kan sawi tum takah lut ang le!
Israel ten khua pawh an la neih loh laiin, Edom leh Arad te kha an hausa tawh a ni, Israel te khan ngam pawh an ngam lo a nih kha. Mahse, Lalpaah an awm tlata, Edom leh Arad te chu hun reilote chhungin an ral fai veka, Israel hnam erawh chu an zing atang, khawvel lal dangte hlauh rawn lal Davida te lal Solomona te an rawn chhuaka, chu ai pawha ropui chu kan chautuan Lal leh Pathian Isua Krista mihring anga a rawn pianchhuahna hnam a ni.
Israelte hnam ang chiah hian, i chhehvela mi i thiante, i unaute, i thenawmte, i lehkha zirpuite an lian thur thur a, hma an sawn avangin i zam ta mai em?
Lalpaa i awm tlat chuan, zam reng reng suh ang che, i themawm pa emaw, i thiante emaw dinhmun that leh chhiatah, i tana Lalpa remruat a dan phahlo tih hi hria la, Lalpaah awm tlat mai rawh. Tichuan, a hunteah zirtir a duh zawng zawngte a zirtir hnuah che, Lalpa'n dinhmun tha bik, i tana a buatsaih chu ala chan tir em em ang che.
I tluk chhiat tam tawh avangin emaw, i lungngaih em avangin Lalpa sawichhe turin emaw, a rorel ringhlel turin dikna i nei chuang loa, Israelte na taka a zirtir ang a, a zirtir ve loh nan che, i rilru eng ang pawhin buai mahsela Lalpa lakah i tawmgkam fimkhur ang che.
Tin, chu tianga i tawngkam ilo fimkhur lo emaw, Lalpa lakah tihsual i lo nei tawh a nih pawhin, Lalpa hnenah thupha chawi la, a nin a ngaidam ang che a nga, i tana a buatsaih chantha chu a hun takah a pe ang che.
(Tawngtai Dan Tur)
Lalpa, midang angin ka hlawhtling mai lo emaw, ka dinhmun a tha mai lo emaw pawh nisela, nangmah rinawm taka ka vawn tlat theihna tur che'in min pui la, chutiang anga ka vawn tlat che a, i thu ka zawm zel chuan, a hun takah dinhmun tha ka tana i buatsaih chu min pe dawn a ni tih hre reng turin min pui ang che. Amen ti ang aw.
Follow tih a hnuaia in ziakah khuan click rawh aw.
No comments:
Post a Comment