A Hun Hma Leh Hnuah Lalpa A Che Ngai Loa, A Hun Takah A Che Thin

"Rei deuh mahse, nghak rawh; a lo thlen ngei dâwn avângin a tlai chuang lo vang."(Habakuka 2:3b)

Israel ten tupui sen an thlen dawn khan, rala fiah taka tupui sen an hmuh theih tawhah pawh Pathianin Mosia ala be reng reng lo, tuipui sen an thlenna tur kilometer khat vel lek a nih hnu pawh khan tuipui sen tih chah chu sawi loh Pathianin Mosia ala be chuang reng reng lo. 

Chutiang a nih lai chuan, an hnunglamah Aigupta sipai ho an sakawr tawlailir tha ber leh chak ber chunga chuangin chak takin Israel fate kha an rawn um bawk si.
Israel fate thlabar tur zia chu kan hrethiam mai awm e, tichuan tupui sen a dai a an dai phak tawh hnuah chauh, a hun takah chuan Lalpan Mosia, tuipui sen chunga a tiang lek turin a tia, tichuan tuipui sen a in then ta a. 

Israel fate mananna nasat tur zia chhut hi chuan, Pathian laka an vui kha an thiamawm khawp mai, mahse beisei tur awm reng reng alan loh hnu thlenga Pathian ring tlattu Mosia erawh Lalpan a hun takah tih dan tur a hrilh hmaih lo thung a ni.

Kan Pathian hi a hun takah, a hun hma nilo a hun hnu nilo, a hun tatakah a che thin a. Hlauh thawnna leh manganna karah pawh, Lalpa laka vui hauh loa, rinhlelhna pawm duh lo chunga, Lalpa hun tih tak nghak thleng thintute chu, Lalpan an buaina an hneh theihna turin a aw a hriat tir thin a. An hmelma beih sakin an manganna ata a chhanchhuak thin a ni.

Mosia khan, Lalpa a rin a ban loh avangin, a chungah Lalpa a lawm a rinawm a, hetiang ang chiah hian kan harsatna a Lalpa kan rin tlat chuan kan chungah Lalpa alawm a rinawm a ni. Kan harsatna hi Lalpa tih lawmna hun remchang zawk tihna a nih chu.

Lalpa chu a hunah chiah chiah a thaw leh dawn avangin, kan manganna te leh kan rinhlelna te hi an kian theih nan i bei let ang u. Min chhanchhuahna kawl a eng dawn ta!

(Tawngtai Dan Tur)
Lalpa, vui lo leh ringhlel loin min chhanchhuahna hun tur chu nghak tlat turin min pui la, heng huna i tana rinaw te chungah chuan i lawm thin a ni tih hriain i tana ka rinaw theihna turin min pui bawk ang che, Amen. Ti ang aw.

Follow tih a hnuaia in ziakah khuan i click dawn nia.