"Tin, chhak leh thlang, chhim leh hmar atangin an lo kal ang a, Pathian ramah an lo thu ang."(Luka 13:29)
Isua Krista chu Pathian fapa a ni tih ring a, min chhandamna turin, kross ah thi khawp hialin a tuar a, ni thumni ah thihna hnehin a tho leh a, vanah Pa Pathian dinglamah ro a rel ta a ni, tih ring a. Isua Krista chu Lal leh Chhandamtu a pawm apiang te chu chhandamin an awm ang.
Isua Krista Lal leh Chhandamtu a pawm hi, nihlawh theihna tha ber a ni a, chuvang pawh chuan, ka ring alawm tih liam ringawt hi chu a ni lo a, eng tiang chiahin nge kan rin hi mahni kan in enfiah a ngai awm e.
Lal'a kan pawm chuan, engkimah a thu awi kan thlang ber zel tihna a ni a.
Chhandamtu a kan pawm a nih chuan, kan hmangaih tlat a nga, amah ah kan innghat tlat dawn tihna a ni.
Chutiang taka, Isua Krista chu kan engkim a kan engkim a nih tak zet chuan, chhandam fate kan ni.
I sawi har lutuk min ti maithei a, ni e! mithenkhatin kan sawi puat puat ang hi chu a ni lo alawm, kan bible ah chhandamna chhan hi, a awl zawngin vawikhat mah a in ziak lo a, chutichuan i ti a nga a ni mai, vawikhat mah a in ti lo. "Hlau leh khur chungin nangmahni chhandamna thawk chhuak rawh u."(Phillipi 2:12b) te a in ti zawk a.
Motor neih kan duh ta a, motor nei tur chuan a thawh chhuah a ngai a. Kan chhehvela kan kal kualna mai mai tur motor mah a tuak a tuak a ngai anih chuan, vanrama kan luh theihna tur hi a tuak a tuak a ngaih loh ring lo ang u.
Amaherawh chu a tuak dan a dang thung a, motor emaw lei thil kan tuak dawn chuan, midang hnuaiah kan thawh te a ngai a, a nih loh pawhin harsa taka thil kan zawr hlawh te a ngai a, midang tilungawi turin nasa taka kan beih te a ngai thin a. Chhandamna kan tuak ve na thungah chuan, chutiang chu a ngai lo a, a thu hre turin kan ngaihthlak a ngai a, kan chhiar a ngai a, heng te hi thu chunga tih chi a ni a, kan tawngtai thin a ngai bawk a, hei pawh thlan vak vak emaw, put thur thur emaw a tih chi a ni lo, awm hmun a tih chi a ni a. Chutih rual chuan tihtakzet a ngai thung a, he mi lai zawn ah tak hian a awlsam thung a, Isua Krista Neitur Tak Tak Chuan A ZAWN A ZAWN A Ngai A Ni.
Tichuan, chhandamna chu khawvel thil te angin pawisa a lei a ngai lo a, a lei ang zawng a chhut chuan a thlawn a, mahsela Isua Krista nei tur chuan atam thei ang ber a, A Thu Chhiar leh Ngaih Thlak leh Tawngtaina te chu a ngai a, chung te chu a man a ni thung a. Heng te hi tlem te tih zawk a, chhandamna chhan mai chi a ni lo. Isua Krista nei tur chuan a thu a luh tak tak a ngai a ni, ti tak zet te chu Thlarau Thianghlimin a pui thin a, Isua Krista hnenah chuan a hruai thleng thin a ni.
Chhandamna chu pawisa zawng a chhut chuan a thlawn ni si, zawn hmuh zawngah chuan man to em em a ni thung si a ni.
Chu chhandamna neitu te chu, Pa'in a fa naupang, engkima amah a innghat chu, a tihsual palhin a ngaidam zel thin ang mai hian, Pathianin a chhandam fate, amaha engkima innghattu chu, an tihsual palhin, a ngaihdam theihna in a daih zo lo ngai lo a, a ngaidam zel thin a ni. "Krista Isuaa awmte tan chuan thiam loh chantirna reng a awm tawh lo"(Rom 8:1) ah alo in ti a, Krista a kan awm theihna turin theih tawp kan chhuah a ngai a ni.
A nih chuan, thiltih vangin chhandamna chu kan chang tihna em ni? Kan ti em?
Ephesi 2:8-9 ah phei chuan "Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e." a in ti si a, kan ti em? Ni e, chhandamna ah chuan kan tih a awm lo hulhual a, Isua Krista'n min thawh chhuahsak a ni, a duhthu reng avangin kan phu vang pawh niloin min pe a ni. Mahse, awm awl kan tum lutuk a nih chuan mo, "Rinna avanga khawngaihnaa chhandam in ni" tih lai khi kan chik a ngai a nia o.
Rinna avang a nih chuan, RINNA chu kan neih a ngai a ni, engtin nge rinna chu kan neih ang? Vawikhat mah Pathian thu ngaithla lovin emaw, chhiar lovin emaw rinna chu, kan duh duh a awm mai mai hian kan nei thei em mi? Chutiang mai chuan rinna kan nei thei awkawng lo ang, rinna nei tur chuan, Pathian thu a chen tak zet zet a ngai a ni, Rom 10:17 ah chuan "Chutichuan rinna chu hriatna avangin a lo awm thin a, tin, hriatna chu Krista thu avangin a lo awm" alo in ti a. Thut hmunah kan duh duh ti mai mai chungin ka ring kan ti thei lo ang.
Jakoba 2:17 ah chuan "Chutiang bawkin rinna chu thiltih nei lovin amah chauhvin a awm chuan thi a ni." Rinna chu kan lo nei tak tak a nih chuan, kan thiltihin a tih lan a, a zui a ngai a ni, Isua Krista kan ring a, chhandamna changtu kan ni tih chu kan ring tak zet a nih chuan Chhandam fate tih tur kan bible'in min hriat tir te chu kan tih a ngai a ni.
Nih leh ringtu chuan eng nge a tih tur chu? Kan ti em? Ephesi 2:10 ah chuan "Thil tha ti atan Krista Isuaah chuan siama awmin ama kut chhuak kan ni si a;chu thil tha tih chu kan awmna turin Pathianin a buatsaih lawk a ni" alo in ti a. Isua Krista chhandamna chu kan ring a nih chuan, thiltih a tilangin, kan chhunzawm tur a ni, chu chu min chhandamtu Isua Krista hmingin leh amah avangin Thil Tha Kan Ti Tur A Ni tihna a ni.
Isua Krista rinna avanga khawngaihnaa chhandam kan nih chuan,
Vanram ah, Redemtion Avenue ( Chhandamte tana hmun siam) ah chuan kan la lut ve ang.
(Tawngtai Dan Tur)
Lalpa, ka sual chhandamna chu, nangin nasa taka tuarin min hlawhchhuah sak avangin ka lawm e, i chhandamna hi rinna avanga i khawngaihnaa chhan tur a ni tih hi ka pawm tlat a, nangmah ka rin tak zet zet theihna tur che in, min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment