Bang lovin tawngtai ula. (1 Thessolonika 5:17)
Pa pahnih hian lo an vat dawn a, zingah tuk pumin an hrei an tat ve ve a, tichuan nilengin hah takin an thawk a, tlai lamah chuan an hrei bil dan pawh a in ang a ni. Tichuan nitin an vat a, thlakhat vel hnuah chuan an chhungten an lo vah chu an enpui a, kawmchhak pa chuan tin nga hmun lai fel fai deuhin alo vat tawh a, kawmthlang pa ve thung chuan tin sawm hmun vel laiah chuan kut alo thlak tawh thung a, mahse thing hi a lo kit tlu lo reng reng a ni. Thil awmzia hriat tumin an han enchiang ta a, ani thingkung pakhat pawh kit thlu lo chuan, kung khat vawikhat a chek a, a tluk loh pawhin a dang a chek zel a, a lo chhunga thing chu alo chek kim vek a, pakhatmah chek tlu chuang silovin. Tichuan, nasa taka thawka, lo vat ni ve tho siin, lo vat hlawhchham a ni ta a ni.
Tawngtai pawh hi lo vattu kan sawi ang hian kan tawngtai thupui chu a chhanna kan hmuh hma loh chuan kan tawngtai tur a ni, thing a tluk hma loh chu cheh zel tur a nih ang khan.
Mi thenkhat chuan zana kan tawngtaina thupui pawh a tuk lawkah theihnghilhin, enge kan dil pawh kan hre tawh mang lova an ti thin, hetiang tur hi a nilo a ni.
Tawngtai hlawhtlin dan kawng khat chu a hlawhtlin hma chu tawngtai a ni.
(Tawngtai Dan Tur)
Lalpa, nang chuan bang lovin tawngtai turin min ti a, min hrilh ang chiah hian engkimah bang lovin ka tawngtai theihna turin min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment