"Tichuan a thupekte kan zawm a, a mithmuha thil lawmawm kan tih thin avangin, kan dil apiang a hnen ata kan hmu zel thin a ni."(1 Johana 3:22)
Eng vangin nge thil dila kan tawngtaiin, a chhanna kan hmuh loh thin kan tih chuan Pathian thupekte kan zawmloh vang a ni tiin Johana chuan min chhang a ni.
A thupekte kan zawm hian Pathian chuan kan thil dilte min lo chhang thin a ni.
India khua leh tui ni tur chuan a rama pian a ngai a, I.D Card te neih a ngai bawk a ni. Chutiang chiah chuan Van khua leh tui ni tur chuan Isua kan rina Thlarauva kan pian a ngai a ni, chutak chu piangthar chu a ni.
Mahse India khua leh tui kan nih avang ngawtin a rama hamthatna chu kan chang nghal lova, ram sorkar in dan leh thupek a chhuah kan zawmin a hamthatna chu kan dawng thin a ni. Chutiang bawkin Van khua leh tui nihna chu nei tawh mah ila, he leia kan dilna te min tihhlawhtlinsak dawn chuan Lalpa thupekte kan zawm a ngai a ni.
(Tawngtai Dan Tur)
Lalpa, i thu zawm tu te chu i ngaihsak thin a, an dilna pawh i chhansak thin a, kei pawh i thu zawm tu ka nih ve theih nan min pui turin ka ngen a che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment