"Tin, a mu chu a han harh a, "Ni dang ang bawk khân ka chhuak leh mai ang a, ka tâl chhuak leh mai ang chu ," a ti a. Nimahsela, Lalpa'n a kalsan tawh tih rêng rêng a hre lo va." (Roreltu - 16:20)
Israel ram leh hnam chhanchhuaktu tura Lalpa mi ruat, mi chak huaisen Samsona chu, Israel awp bettu Philistia mite chuan an chelh lo hle a. Philistia mite tân chuan mitmim ang maia hnawksak, enghelh tham a tling a. Mahse, Pathian thlarauvin a chhuahsan a țang chuan chakna rêng a nei ta si lo va.
Samsona chuan Philistia nula Delili a ngâizâwng a, a hmangaih hle a, a ngai ngawih ngawih mai a. Englai pawha a thinlunga châm reng awmna lam chu Samsona chuan a pan fo lo thei ta si lo. Chu tak chu a hmelmate tân chuan an man theihna tûra chânkhân țha ber chu a lo ni ta a ni.
Philistia-ho milian te chuan Delili chu hmanruaah hman an tum ta a. Amah avânga Samsona an man theih chuan tangkarua sangkhat leh za pêk țheuh an intiam a. Delili pawhin a lo remti a.
Delili chuan Samsona chu, a chakna chhan thurûk chu a zawt țan ta a. Vawi thum lai Delili thlêmna thangah chuan Samsona chu a la âwk duh lo va. Tâl chhuak tûrin Pathianin chakna a la pe zêl a ni. A vawilina atân chuan Delili chuan Samsona ngêng chhun râih khawpin a thlêm leh ta a. "I thinlung hi mi pe hlek si lovin, engtizia nge ka hmangaih che mi tih theih le? vawi thum tlawng chu mi tihder tawh a ni a," tiin nitin a thlêm a, a ngên ta tlut tlut mai a. Chu chuan Samsona rilru a tibuai phâk ta tlat mai. Delili duhzâwng a tihsak chuan a Pathian pawi a khawih dawn a ni si a. A tih sak loh chuan a hmangaih si a, a țhen phal dâwn si lo va. Samsona chu kawng pêng țhuamah a ding ta, Delili duhzâwng tihsakna kawng nge a zawh ang a, a Pathian duhzâwng kawng tihah chuan a buai ta hle mai.
A tâwpah chuan Delili duhzâwng tihsakna kawng chu a thlang ta zâwk a, a chakna chhan thurûk chu a hrilh ta a ni. "Ka sam hi lo inmet ta ila midang ang bawk ka ni ang a, ka chak lovang," a ti ta a. Tichuan, Samsona chu Delili malchungah chuan a mu a, Delili chuan a lo chawi muhil têtê a, bakmehna a la a, Samsona sam phiar sarih chu a chep thla ta a. Tichuan, a sawisa țan ta a, a chakna chu a bo ta vek mai a. Philistia mite an lokal chuan, Delili chuan Samsona chu a tiharh a. A lo tho va, mahse chakna rêng rêng a nei ta lo va. Pathian thlarau chuan a lo chhuahsan tawh a ni (Ror.16:29b). Tichuan, an man a, a mit an kher chhuah sak a, Gaza khuaah an chhukpui a, dârkawl an bun tir a, buh râwtsawmna hmunah an thawh luihtir ta a ni.
Samsona chu Israel ram chhanchhuaktu ni lovin, an ram leh an Pathian tihming chhetu a lo ni ta zâwk a ni.
Samsona kha Israel fate chuan a țha viau dawn emaw an lo ti hman ngei ang a, mahse Delili zûnah a uai tâk tlat avângin a chakna a bo va, a hmelma ten an lo hlîng bet ta zâwk si a.
Relationship chauh lovah pawh hetiang zawng pawh hian zirlai a zir chhuah theih ang : Kan ram hruaitute pawh hi an țha viau dawn emaw kan ti țhin a, mahse Delili zûnah bawk an lo uai buai ve leh țhin.
Sum leh pai Delili zûnah, thuneih duhna Delili zûnah, nawmchen duhna Delili zûnah an uai leh mai țhin a, chu chuan a hling bet a, an tal chhuak zo ta țhin lo va, an thlarau lam mit an kher chhuah sak a, dârkawl an lo bun tir hman tawh a, eng emawni factory Pathian zawlnei "kohhran" ten ti lul suh u an tih, siam tûr hialin hmelma chuan a lo chhawr lui ta mai țhin a nih hi.
Ram siam țha turin chakna an nei tawh țhin lo va, tihmingchhetu atâna thawktu an ni ta zawk fo țhin a ni. Pathian Thlarau tihchak theih ram hruaitu kan mamawh hle mai.
Pathian ringtu ram hruaitu ve tho, Donald Trump a chhuan, "Tawngtai pawimawhna sawiin, Chhandamna thu a sawi leh hmiah hmiah leh ta pek."
Aw! Zoram, i chhunga mipuite hruaitu tur, Lal Isua Krista chhandamna thu, sawi tlaka inngai, ram hruaitu dik leh rilru rethei ve lo, kohhranin tisuh u o! A tih, tih luih tal tul ni a in hre lo, rilru rethei ve lo, hruaitu i mamawh a ni.
Chutiang ang hruaitu nei tura, kohhran mi leh mipui tawngtai ngai pawimawh mi leh, ramhruaitu malsawmna thlir lo a, Pathian malsawmna thlir zawk mipui i mamawh zual bawk a ni.
Kan ram dam nan, Lalpa Kohhran ho te i tawngtai ang u.
(Tawngtai Dan Tur)
Lalpa, i malsawmna thlir lo a, ramhruaitu kam thlum leh an ham thatna min pek theih chak thin mi, mipui kan nih avangin min ngaidam ang che. Nangmah atang chauh lo chuan, kan ram hi siam that a ni dawn lo tih hi kan hriat tlat theih nan Zoram mipui te hi, min pui theuh la, tunah hian kan ram min tih dam sak turin ka ngen a che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment