"Tihtak meuhvin ka hrilh a che u, lei chungah hian in zinga mi
pahnih, an thil dil kawnga an thurual chuan ka Pa vana mi tihsakin an awm ang." (Matthaia 18:19)
Zakaia kha lamkhuang kungah a lawn ti ta tlat ila kan awih hauh lovang, a chhan chu Bible in theipui kung a tih miau vang a ni.
Zakaia theipui kungah a lawn tih chu Bible-in a sawi avanga kan awih anih chuan helai kan chang tarlana a sawi inthuruala mi pahnih (emaw a aia tam) tal kan tawngtai chuan Pathian hian min chhang dawn tih pawh hi kan awih ve ngei tur a ni.
Chuvangin kan thil dil chu keimahni chauh chuan kan lo hlawhtling lo anih pawn sap hovin 'Praying partner' an tih ang hi kan nei tur a ni.
Kan thil dil mek chu min rawn dilpui tu an awm chiah hian Pathian chuan ka lo chhang ang che u a ti tlat si a ni.
In tawngtai sak tawn a pawimawh zia pawh a tarlang a ni. Rawngbol tu te ngat phei hi chu, kan intawngtai sak tawn theuh ngei ngei tur a ni. Kan Pathian hian, tan rual hi a ngaipawimawh a, rawngbawlho ang te, nupa ang te, u nau ang te, chhungkua ang te, thian ang te, kohhran ang te, a ram ang te a, tawngtaina leh a rawngbawlna a kan tan rual hi a duh a ni. Sual hian ringtu maltlat chu a phettlu thuai thin a, chuvang chuan ringtute hi kan tan rual a kan in tihchak tawn a ngai a ni. Tawngtaina ah ngat phei chuan, ringtu te hi kan in thurual a, kan tanrual tlat a pawimawh em em a ni.
Rawngbawltu ropui tak Kenneth Copeland hian Pathian hnenah, "Lalpa engvangin nge min ngaihsak em em ni?" tiin a zawt a, chutah Pathian chuan, "I nu'n i hming a rawn lam ri zing em a, ka ngaihsak lo theilo che a ni" tiin alo chhang a ni.
(Tawngtai Dan Tur)
Lalpa, ringtu mal tlat ka
nih chuan ka tlu mai dawn tih i hria a, chuvang chuan tangrual a, intihchak
tawn a pawimawh zia min hriat tir avangin ka lawm e. Ringtute inlungrualna nen,
i hnena an rawn tawngtaiin, ka chhang ang i ti tih hi hre reng a, ka tawngtaina
ah hian, ka ringtu pui te nen inlungrual thiam thei turin min pui ang che,
Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment