In dil a, in dil dikloh avangin in hmu lo, in nawmsak nan hman in tum si a. (Jakoba 4:3)
Dilna tamtak hi chu mahni hmakhua sial vang a ni fo thin a, hetiang tawngtaina hi Pathian tan chuan chhan a chakawm loh a nih hmel hle mai.
Kan hriatfiah theih nan dinhmun thenkhat atang han sawi ila: Nu tamtak an pasal leh fapate zu in tan an tawngtai a, zu in reh tura tawngtai chu chhan chak viau awm tak, mahse engvang nge chhanna an hmuh mai loh thin? An pasal leh fapa ten zu nghei se an duh chhan chu an chhungkua a lo nuam anga, sum leh pai ah hma an sawn anga, khawtlangah mi zah an kai anga tiin mahni nawmsakna lam hlir a ni an ngaihtuaha ni.
Pathian lam an ngaihtuah lo a ni. Thlarau bo veina lam a lang lova, lo felin lo piangthar ta sela, rawngbawl duh in chhuah lo tum ta sela, an ui bet tlat emaw a ni anga. Chhungkaw member ah pawh hian a sual ho hi rawngbawl turin kan duh em em a, a fel hi chu keimahnin chang ila kan ti leh thung si a, a tha tha hi Pathian tana hlan kan phal tlat silo a, Pathian hi che tura kan duh chuan keimahni lam pawn a tul apiang kan chan ngam a ngai ve a ni.
Ram leh sorkar tha se tia kan tawngtai chhan pawh hi Lalpa tana lawmna siam tum ai chuan ram nuam leh a hausakna tel tur kan duh vang a ni chawk.
Pathian ropui nan leh Setana mualpho nan, thinlung dik tak pu in tawngtai ila, chhanna chu kan hmu ngei ang.
(Tawngtai Dan Tur)
Lalpa, keimah ah hian i duhna te a hlawhtlin hian, dinhmun tha zawkah ka awm zel thin a ni tih hi, ka hriat tlat a. I duh zawng leh i hna thawh chu, duh hmasa ber zel chungin, engkim i hnenah ka dil theih nan min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment