ENG PAWH THLENG SE, LALPAAH INNGHAT THO THO ANG U

"Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria."(Rom 8:28) 

"A HMANGAIH FA TE DAMNA TURIN, KA TAWRH HI LALPA'N A PHAL A, A MALSAWMNA THA BER PAWH KA DAWN A PHAL BAWK ANG"

Pu Mack'a chuan, Pathian a rin leh a rin loh pawh a hre thawh lo hiala, a chhanchu a fanu fel em em, kum 7 mi lek chu, misualin a pawngsuala a that zui nghal bawka, chu misual chuan a ruang a phumbo leh zel bawk a. Pu Macka chuan a ruangtal chu hlawm tur awm sela o! A ti ngawih ngawih thin a.

A fanu kaia biak in an pan lai te chu a mitthlaah a cham reng a, phallo engang mahse, hmanlai an chang zota tho tho tih chu, lungchhe em em chuang chuan amah leh amah a in hrilh thin a. A fanu milem ziah te chu pherh nei nuai mahse, khawvela milem ziah mawi ber aia mawi zawk thlir ang mai hian, uluk em emin a thlir reng thin. A fanu thlalak te pawh chu, a tar chei chuai bawka, tawrh ngaihna pawh a hrelo a ni ber.

Vawikhat chu, Pathian aw a hre taa," i tawrhna te kha, a tha zawngin ka her ang, min pan rawh" tih hi a hria a. Macka chuan, engtin nge i her ang? Ka fanu in a mamawh lai ber chein i kalsana, tinge ka fanu kha i chhanchhuah loh a ti a.

Pathian chuan, mihring hi zalenin ka siam che u a, chu vang chuan khawvelah hian sual a lut thei a, mihringin a duhthlanna a sual a thlan chuan, zalenna ka pek tawh che u avangin ka dang theilo a ni, a ti a. I fanu thattu kha, mi khawngaihthlak awm ber a ni asin, a pa in nasa takin a sawisa thina piangsualah a chhuah ta a nih kha! Adama bawhchhiatna avangin sual chu, khawvelah a luta, a kal zela, pa tihsual chu faah a kai thin a. Chu sual hnathawh kal zel ti tawp tur chuan,  sual chu thatna a hneh a ngai a ni, sual chu tih tawp a nih theih nan, ka fapa Isua Krista chu mihringin sual in hneh theihna turin, khawvelah ka rawn tira, i natna kha en loin, ka fapa Isua Krista chu en tlat zawk la, i lusunna pawh hi a dam ang a ti a.

Macka chuan, a lusunna chu en loin, Isua Krista chu a en tlat ta zawka, tichuan a rilru natna atang chuan tihdamin a awm ta a. Amah anga rilru hliamte, pawngsual an tawh avanga rilru na te, leh rilru lama harsatna neite puitu tha tak leh Lal Isua hnena hruai thlengtu tha em em alo ni ta hiala. Pathian tana a rawngbawlna chu mi tamtakin mamawh ni a an inhriat avangin, lehkhabu ziak turin an ngena, tichuan a lehkhabu a hralhna atang, Pathian malsawmna nasa takin a dawn phah ta  hial a ni. 

Lalpa nen chuan, kan chanchin chhia te hi, chhanchin lawmawmah a in letling thina, hei hi vawng reng ang u, "eng pawh thleng se, Lalpaah innghat tho tho nun hi!"

Lungngaite hnem turin, chu lungngaihna pal tlang tawh vek te chu an tha ber thin a, chuvang chuan Lalpan a mite chu, kan tawrh a phal thin a. A mite chu na hle thin mahsela, Lalpa nen an nih thin avangin, harsatna leh lungaihna tuipui chu an hleuh kai leh mai thin a.

Midang te erawh chu, an nunah harsatna leh lungngaihna a rawn lanin, len boin an awm mai thin a ni. Chung mite hnenah chuan "Lal Isua nen harsatna tuipui chu, a hleuh kai theih a ni," tih hi kan hrilh theihna turin, Lalpan kan tawrh a phal thina.

Tichuan, chung harsatna leh lungngaihna Lalpa nen a hleuh kai te chu, malsawmna leh lawmman tha tak a buatsaih sak thin zia a lan tir theih nan, a malsawmna pawhin min vur bawk thin a ni. 

(Tawngtai Dan Tur)
Lalpa, nangmaha innghata, beiseina nena nangmah thlirtlat thintu te chu, hreawmin rum thin mahsela, an hreawmna ngei chu thiltha zawk par chhuah tirna hmanruaah i hman sak thin a ni tih hi hre rengin, engkimah nangmaha ka innghah tlat theih nan min pui ang che, Amen. Ti ang o.

Instagram: https://www.instagram.com/nungturin/

Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIAIN LO FORWARD VE ZEL ANG CHE.