"Ka chungchang thu an sawi a, "Pathianin a pui lo vang" an ti a. Nimahsela, aw LALPA, nang chu ka velin ka phaw i ni a; Ka ropuina leh ka lu dawm kangtu i ni e."(Sam 3:2-3)
Ka hnathawhna ka thlen dawn hnaih chuan, nula ni ngei tura ka ngaih hmeltha em em leh lian pangngai tak hi ka hmu a. A hmeltha ka ti ve ngang a niang, ka pelh hnuah chuan, ka va en let leh a, rilru buai hmel tak hian alo hawi kual niin ka hriaa. Hmelhriat loh a ni a, biakna ngawt tur a awmlo bawka, tichuan ngaihven zui hranlo chuan, kan hnathawna hmunah chuan ka lut taa.
Ka office nge ka dawr ka tih dawn, tahchuan Bible ka chhiar zo chu, ka thu a, ka phone ka en a, Mba ka zirpui Krisana ka thianpa chuan, 'ni hman nuam le' tiin min rawn wish a. Krisana nen kan intawn dan leh kan sumdawnna a kan thawhdun dan ka ngaihtuaha. Lalpa min hruaina hi chu a ropui a ni. Chhungkaw nei taka seilian ka ni loa chuvang chuan, technical line ka zawh thei ta siloa, Aizawlah lunghnur deuhin science pawh lak awmzia a awmlo a nih hi ka tih avangin, economics ka la a. Tichuan, Pathian min khawngaihna avangin, ka zirtur tak ka zir niin ka hre taa.
Semester exam ah te Topper ka ni ve zeuh zeuh thin a, mahse ka thianpa Sanga chu ka tluk chiah loa. Tichuan, M.A kan kal zawhah Sanga chuan, education loan la ila, Delhi ah coaching zuk kal ila, engahmah kan tlin tak loh aleh, kan inhlawh chhunzawm a nga, loan te chu kan rul thei tho ang a ti a.
Tichuan, kan chhuk ve rawi a, kan chhukhnu kumkhat a ral hmain, MPSC exam a awm a, Sanga chuan han exam ve ila a ti a, mahse hawna tur chu kalo nei hauh lo mai a. Train in haw ta ila, form thehluh neuh neuh chu ka hman ka ring tawh bawk siloa. Sanga hnenah chuan, kalo haw ve lo mai a nge, ka ti a, Sanga haw dawn tuk chuan, dar 3 ah kan thoa, kan tawngtai duna. Airport ah chuan kava thlaha, Sanga chuan,"Pathian remruatna that zia leh kan thatna turlo chuan, engmah a ruat lo ang tih thu chu a sawi mawlh mawlh a," Sanga hnenah chuan, thinpa eng emawni berah chuan i tlin dawn hi, Pathian lama i rilru put hmang a dik emai, ka ti a. Sanga pawh chuan "Mawite, i rawn haw ve theilo hi chhan tha tak a awm ang, Pathianin i tana malsawmna kawngah chuan a dah vang chein, i rawn haw theilo a nih ka ring" a ti a.
Tichuan, Sanga haw hnu, thla tam vak loah chuan, Sanga chuan min rawn call a, MPSC exam ah chuan vawikhat examna a titha ber a nih thu leh, a pumpuia pathumna a nih thu chu min rawn hrilh hriaa, ka lawmpui lutuk chu ka mittui te hi a tla hialin ka hria a. Mahse, apa in minor stroke a neih thu chu min hrilh chhunzawma, ka pa a hrisel loh avang a nih hi, Lalpan min koh haw ni a ti a.
Kan coaching class pawh chu a tawp ve dawn tawha, mi tamtak chuan UPSC Civil Service Exam (C.S.E) pek tum chuan, an kat nuk nuk a, kei chu C.S.E pek ka tum lo a, thla hnih vel inkhung hnuah, UPSC Economic Service Exam (E.S.E) pek ka tum zawk a. Coaching ka kalpui te chuan, a tha ber i tum ngam loh chuan, engahmah i tling lo ang min tihlawm nghe nghe a. Kei chuan, tlin ka tum tak tak vang zawk alawm, thutlukna ka siam C.S.E pe turin ka fit rihlo tih ka hriaa, chuvang chuan E.S.E pek ka tum thunga alawm ka ti a. Bakah I.E.S exam hi economics lampang a ni a, economics a tam hrim hrima, ka thiam zawk ka ringa. Form ka fill up chuan, Mizoramah emaw, North Eastah emaw ka awm hlauh theih takin, zone 2 chu ka thlanga, tichuan kan exam taa, Pathian kawngaihna vang liau liauin, ST quota ah ka tling ve hlauh mai a. Mahse, West Bengala ka awm ngei ngei a ngai thunga, West Bengala ka awm tur hi, Lalpan ka tana rem a ruat vang zawk a ni, tih erawh ka hrethiam mai loa.
Tichuan, hna ka zawm ve a, kum tlemte chauh ka hna ka thawh hnu chuan, sorkar a inthlak avangin hna a tamlo em em mai a, achhanchu state lianah chuan, office pawimawh zawkah documents a kal hmasa phawta, chu mi hnuah office te ah a kal thin a. Kan deparmentah chuan kan pu ber Saruk Batacharjee I.A.S hnathawh tur chauh hi a tam em em a, han in tih pui theih em em lah a ni siloa, kan pu chuan Mawia study leave la rawh, i upat hnuah chuan duh mahla leave i hmu maithei tawh dawnlo a nia, degree i ngah hrim hrim chuan, i retire hnuah pawh ala tha dawn a nia a tia.
Chutia kan pu berin min tih te chuan ka tia, economics nena inhnaih deuh Mba chu zir ka tum taa, Bengal School Of Technology and Management (B.S.T.M) ah chuan, written exam kava pe ve a, I.E.S e ti lo chuan, waiting list ah chauh ka awm phaa, tichuan B.S.T.M ah chuan ka luh ve theih nan, kan pu hnenah chuan Work Experience Certificate (W.E.C) min siamsak turin ka tia, experience nei te hi, a neilo te ai professional course ah chuan an ngaipawimawh thin a. Waiting list ka dil tih a hriat chuan, kan pu nuih chu a za nasa maia, Mawia the great, W.E.C chauh pawh ka siamsak lo ang che, launch pawh kan ei dun dawn nia, West Bengal Finance Deparment atang recommendation letter i mamawh pawhin kan siamtir mai ang, nau awm tha duhlo (rascal) ka nei a nih hi a ti a, a nui vur vur a.
Tichuan, W.E.C nen chuan kava kala, ka W.E.C institute staff in a han en chuan staff ka lehkha entu chu, a ding zawka, Sir min han ti zui peka min ti zak takzet a ni. Chutia, ka zak lutuk awmngaihna hrelo chu, tukverh lam ka ena, Krisana Chakraborti'a leh a pa chu BMW car atangin an rawn chhuaka, a ni pawh chu waiting listah tho alo awm ve a, office a an rawn luh ve leh, institute staff chu a ding leh zawka, Sir thu rawh u, alo ti a. Kei chu, ka tih tur ka ti fel tawh bawka tiin chhuah ka tuma, chutih lai chuan, staff chuan ka pu in thingpui tur a rawn thleng dawna, khawngaihtakin chhuak suh min tia. Chuan, Krisana te pafa nen chuan kan in biak ngei ngei a ngai taa, anni chu Bengal Fragrance L.td neitu te an lo ni a, hman atang tawh institute chu fund an lo pe thina. Institute chuan an chhungkua chu an lo zah hle a, tichuan Krisana nen chuan class kal hma atang kan in hriaa, Mba kan zir chhung zawngin kan inkawm chho taa.
College kan kal zawhah chuan, Krisana chuan Business leh Economics ah i technical sia, sokar hnuaiah chuan, i hun hmang ral suh. In partner ila, Mizoram atang Sawhthing, Aieng leh Nimbu min rawn thawn thin la, primary processing i tihna tur kan finance che a nga a ti a. Ni e, ka chhungte bulah ka awm duh bawka a tha ngawt ang ka ti a, Krisana chu Pathian lama hruai ka duh avangin, Isua ka Pathian kalo rawn phawt ang ka ti a (First, i will consult my Lord Jesus) ka ti a, mumal deuhin project plan chu kan siam taa. Motor lian 3 leh a te deuh 5 ka mamawh tur thu chu, Krisana chu ka hrilha, motor te (small loaders) chu Mizoram a chhengchhiat avangin, bungraw lak khawm nan a ni a nga, tihcuan motor lian te chuan inhnenah bungrua a rawn dah a nga, chuan a rawn chhoh lamah, F.M.C.G rawn phur chho se ka ti a. Krisana chuan, a that chu, kan inah chaw rawn ei la, ka pa bulah kan sawi nghal a nga a ti a.
Krisana pa chuan a tha min tih puia, mahse chutiang a nih dawn chuan, hming hranin Aizawlah Bengal Fragrance a awm angin kal sela, tichuan F.M.C.G rawn kal chho chu i pocketah lut sela, chuan aieng, sawhthing leh nimbu kg 10 zelah cheng 1, i hlawh a nga, i staff zawng zawng hlawh kan tum vek a nga, a tha inka hria a ti a. Tichuan, hna chu kan thawkho ta a ni. Chung zawng zawng te chu, Krisana message ka en pah chuan ka ngaihtuah chhuaka, Lalpa remruatna hi alo va fel tak em ka tia.
Chutia ka ngaihtuah lai chuan, kan office bulah chuan, "Vanlalruat hmeichhe chhaw lutuk i nih hi" tih thawm chu ka hriaa, ka va en chuan, office ka luh hmaa, ka hmeichhe hmuh hmeltha ka tih em em kha, alo ni a. Aw! a hmeltha asin le, a nun a hmang fimkhur lo palh a mawni le ka tia. Chutih lai chuan, kan nau pakhat hian Sir bungrua thawn tur list hei aw! Tih pah chuan, paper chu min pe a, kei chuan Mahneh sir min titawh suh ka tih kha, kan ta vek alawm sang bik kan awm hleinem, kan hnathawh theuhah kan pawimawh ber vek alawm ka tia. Mahneha chuan, i rilru dik lutuk vang hian ka zah chea, i hminga koh che ka ti tlat alawm a tia.
Kei chuan, kawta invin tuar tuar te kha i hriat zawng an ni em ka ti a. A ni chuan, aw hria e, kan office awmna venga amite an nia, Ruati khan tuna pasal saw a neih hmain pasal dang alo nei tawha, tuna a pasal neih lai chu, khi laia restaurant neitu khi a ni a, a pasal pa chu i hria ang Er. Lalroa kha a nia, Ruati lakah hian an pa thikthu hi a chhe lutuka, pasal alo neih tawh vang a ni ang, mi thenkhat chuan, a pasal hmasa nen an inneih laiin tuna a pasal nen hian an inngaizawn an ti a, tuna an pa hian a ringhlel renga, achang leh a tir kual vaka, a chang leh khawlai laiah a hnuk bawrh bawrh bawka, Ruati lah hian a then ngam tawh siloa, a tang a ni ber mai, a kawngaihthlak asin, a hmelthat teh lul nen tiro Sir, a ti a.
Mahneha chhuah hnuah chuan, ka ngaihtuah mai mai a, Ruati hi la nula ta ang sela, a hmelthat em avangin ka rim ngam chiah pawh ka ringlo hiala. Thianpa Sang M.C.S pawhin a hmeltha emai, min ticonfi lo zo, a tih hial ka ringa. Kan thianpa, tawngtai reng mai thutlukna a siam dawn apianga tawngtaia hlan vek thin, tluang renga kan tih hial, Remruata, Johns Enterprise neitupa pawh saw tihpui ta ila, Ruati chu a hmeltha emai sumdawnna pawh min ngaihtuah tir theilo a tih ka ring.
Chutia ka rilru ka kawm lai chuan, ka phone a rawn ri a, kan company instagram page ah chuan, Class 12 kan kal laia, keini aia pawlhniam, cher che em em thin leh min hip loh thin em avanga, hmeichhiaah pawh kan chhiar ve ngai loh. Sangtei chuan "Mawia, Hills Pro L.td hi in ta elo, bandage roll 2000 urgent deuhin kan duh a nia" tia min rawn message na leh min rawn follow nghalna ka hmua. A profile kan en thuak thuak chuan, an kohhran thalai khaitu ber ni awm ang mai hian, an hnatlanna te leh hla an zir thinna thlalak leh, an inkhawmpui nikhuaa, puanbih leh pheikhawksang bun chunga, thla a lakna vel chu alo langa. A thang tha nge, a nungchang thain a chawi kang zawk pawh ka hrelo, hmeichhia ang chuan ka en ta hle mai! Lap coat leh stethoscope nena a thlalak post miah lo mahse, a clinic thlalak pakhat a dah avang chuan, Dr a ni tih chu a hriatthiam mai a.
He nu hi chu, Sanga leh Remruata te tihpui chhin chu sawi loh, Bawihtea nu ti tura ka um hnaih loh vaih chuan, tiin kalo in sehruh ve nasa mai a, mahse ka rilrua lo lang chu, "Lalpa kawng a nih loh chuan engmah hi a kal dik thei chuanglo ang tih hi, a ni."
Tichuan, Sangtei chu ka reply a, awle bandage chu kan rawn pe dawn che u a nia ka ti a. Sangtei chuan, a lawmawm hlauh chu, naktukah dar 1pm velah, kan office ah, lehkha pawimawh kalo siam a nga, advance nen, i rawn lam hman a ngem, break lai bawr vel a ni tho a, kan hmanhmawh sia, rawn hman tum rawh o, tiin min rawn reply a. Hetianga, hmeichhiain harsatna nei ni awm taka, min sawm reng reng chuan, a lang loin min hnaih rawh an tihna a ni duh, tia mi lo sawi thinte chu ka hre chhuaka, chubakah dar 1 a tihna chhan kher hi, chhun thingpui kan indun nghal dawn nia a tihna a nih hi ka ti a. Tlangval senior pui pawh nimah ila, phur zetin Sanga leh Remruata chu"naktuk date ka nei a nia, min lo tawngtai pui teh u ka va tia. Kan thian pathum hi kan inkawm satliah loa, sharing kan nei thina, engkimah kan intawngtai pui thina, bakah kan senior tlang tawha, kan nupui zawng hi, hmanhawh tawh viau e, tilo hian kan ti deuh bawk sia.
Chutih lai chuan, Ruati te thawm bawk chu ka hre leh a, hei hi min ngaihtuah chhuah tir ta a ni-
Kei hi, Lalpan min khawngaiha, Technical line ka zawh theih loh chhan te, MPSC exam tura ka kal ve theih loh chhan te, I.E.S postinga ka duh lohna zawk a ka awm chhan te leh BITM a waiting lista zak ngawih ngawiha ka awm chhan te kha, Lalpa remruatna tha em em alo ni vek, tih chu ka hre chhuak taa.
Dr. Sangtei, chungchang ka ngaihtuaha, mi hi an nun an uluka Lalpa an tih phawt chuan, an hmel te alo that phah thei hiala, an nih tum takte pawh an lo ni ngei thei thin a ni tih te, Lalpa an tih avangin mi zahawmah chhiar an lo ni thin bawk a ni tih te chu, min ngaihtuah chhuah tira.
Ruati, hmeichhe hmeltha em em erawh chu, Pathian ah innghahna chang a hriat loh avangin, dinhmin hreawm takah a ding mek a, a zahawmna zawng zawng pawh a bo zo a, mahse a tan ala tlai chuang loa, tawngtaipui a ngai a ni, tih chu ka ngaihtuah bawk a ni.
Pathianah i innghat em? I innghah loh chuan, mipa i ni emaw, hmeichhia i ni emaw, "dinhmun hreawm taka tang turin kawppui ila nei ve a nge."
Lalpaa innghat lo tu chuan zak takin, a lu ala dawm kun ang.
Lalpaa innghattu chu, Lalpan an lu a dawm kan sak ngei thin.
(Tawngtai Dan Tur)
Lalpa, i remruatna hi ka remruatna te ai a tha zawk a ni, tih hi hre rengin, engpawh ti dawn ila, tawngtaia rawn hmasa zel thei tur che in min pui la, engkima tawngtaia i hnena inkawl tir hmasak zel hi, nun ka hman fimkhur theihna a ni tih hriain, engkimah i kuta inkawl tir hmasa zel turin min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment