"Tin, ani chu a lo harh a, thli chu a hau va, dil hnenah pawh chuan, "Ngawi la, awm hle hle rawh!" a ti a. Tin, thli chu a bang a, a lo reh ta thup mai a."(Marka 4:39)
Designer leh Architect ropui em em, Manufacturer leh Engineer ropui tak leh, Physician (Doctor) ropui em em ni bawk. Zirtirtu ropui tak pakhat chu, a zirtir te nen lawngah an chuang a, thlipui leh tuifawn ten nasa takin an lawng chu a rawn nam sawk sawk mai a. A zirtir te mangang chuan an hotupa chu an kai tho a, an hotu pa chuan, a design (a ri ruang) leh a manufactur (siam) vek chungah chuan thu a nei em em a, tichuan a hau ta a thlipui leh tuifawn te chuan an hlau a an reh hmak mai ta a. Chu an hotupa chu kan Lalpa Isua Krista hi a ni a.
Isua chu, engkim siamtu a nih avangin thil kal dan leh awmdan a hre hneh em em a, amah tluka hria an awm lo a ni. Engkim hre ber a nih avang hian, engkimah min pui thei a. Kan chhungkaw zinga mi chhanchhuah dan tur te, kawppui zawn dan tur, ba rulh dan tur te, tha zawk a eizawn dan tur te chu, a hre ber a ni.
Chutih rual chuan, a finna a min thuam dawn chuan, a thu kan zawm phawt a ngaia, huatna te, chapona te, phubalak duhna te zawng zawng hi kan thinlung atang kan paih chhuah vek a, a thu a kan thinlung kan tih khah a ngai a ni.
Tunah chuan, van Lal thuthlengah kan Lalpa Isua Krista chuan, ro a rel mek a. Engkim chungah thu a nei a, tul leh tha a tih chuan, kan ni let tluklehdingawn tela lian arsi lian em em Uy Scuti te pawh khi a duh hun hunah ral rawh ti se, a ral nghal a nga, Uy Scuti leta lian arsi vaibelchhetel awm rawh se a tih rualin a awm nghal bawk ang. Chutiang ang tak chuan, kan Lalpa Isua Krista Hian Thu A Nei A Ni.
Kan harsatna zawk hi, kan hmu lian thin a, amah ah rinna kan nghah loh thin avang hian, min chet sak a duh angin min chet sak thei thin lo a ni.
Hei hi i han ti theuh teh ang u, tuna kan awm hmunah teuh. "Ka harsatna ka hlau lo a che, nangmah aiin ka Lalpa Isua Krista A Ropui Zawk" i han ti theuh teh ang u.
(Tawngtai Dan Tur)
Lalpa, i len zia leh i thiltihtheih zia, hmuhhmaih khawpin, ka harsana zawk hi, nangmah ai ka ngaisang ni awm mai hian, ka lo en nasat, zawk thin avangin min ngaidam la. Engdang zawng aiin i ropui zawk tih hi hriain, eng dinhmunah pawh awm ila, nangmah chauh ka en tlat theihna tur che in min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment