"Tin, mangan
niah chuan mi ko la; Ka chhanhim ang che, tichuan nangin mi chawimawi dawn nia,
a ti a."(Sam 50:15)
Mark'a leh Caroline'i
(Sandy) chu kum 20 bawr vel an nihin an innei a, an phak ang tawk tawkin rawng
an bawl ve mawlh mawlh a. Thla 4 vel lek an inneih hnuah chuan, Carolinei
chuan, allergy a nei reng mai a, an han en chian chhuan aluah chuan bawk alo
awm renga, an zaia tichuan tha takin an paih a. Mahse, damdawiin an chhuahhnu
kar khat velah chuan, alu ala na reng mai a, doctor an va pan leh chuan, thu lawmawm
lo deuh mai hrilh che a ngai a, chu chu i rai tih hi a ni, tiin doctor chuan
alo hrilh a.
Carolinei chuan ka
rai chu enge thu lawmawm lo a nihna a ti a. Doctor chuan, thu lawmawm lo a nih
chhanchu, ilu a bawk kan paihna nghawng avang khan, i naupai lai hi, a thi vat
theia, mumal deuha a piang a nih pawhin, mi ang pangngai a nih theih kan ringlo
a ni, a ti a. I pasal nen in rawn ula, tihtlak mai a thain ka hria doctor chuan
a ti a.
Carolinei chuan, a pasal chu a hrilh a, Marka pawh chu a nupuiin
thlabar taka a natna a hrilh avang chuan, a hna atang an inah a haw vat a.
Tichuan, Marka leh Carolinei te nupa chu an tawngtai dun taa "Lalpa, nang
chu la theitu leh pe theitu i ni a, he naute hi piang tura rem i ruat loh
chuan, nangin (doctor thiamna hmang loin) la ang che. Tin, kan fa hi mi phaloa
a piang dawn a nih chuan, i duh anga kan enkawl theih nan, tun atanga kan inrin
theih nan min buatsaih ang che." tiin an tawngtai a.
He mite nupa tlawmte tawngtaina chu Lalpan alo ngaithlaa, a
zaithiam bik em avanga Pathian hla sa lemlo, khawvel lam hla sa (mainstream
artist) te pawhin an thik hial thin, zaithiam leh worshiper ropui em em Kari Jobe chu alo piang ta a ni.
Keini pawh thutlukna dik kan siam theih nan, kan nun a thilthleng engkimah hian, i tawngtai ang u, engpawh tawk ila, engpawh kan chungah thleng se, sual kan ti mek hial emaw pawh nise i tawngtai ang u.
Thil tha bik emaw, rawngbawltu thawh hlawk tak emaw, Lalpan a siamchhuaha, a kaihthawh dawn hian, hmelma hian lo dan a tum thin a ni, tih hriain. Harsa kan tih ngawih ngawiha, thutlukna siam dan tur kan hriat loh chang te hian, engkim hretu kan Lal Pathian hnenah i tawngtai ang u. A ni chuan, min beihsak a nga, hmelma chu hnehin, keimahni kaltlangin emaw, keimahniah emaw, Thil tha bik leh rawngbawltu thawhhlawk bik kaih thawh a tum leh siamchhuah a tum chu, a tihlawhtling ngei ang.
Mihring hi kan hlu em em a, Pathian remruatna chauhlo chuan tumah hi an piang lo a, mihring kan pian dawn hian, mipa chi nung maktaduai chuangah pakhat chauh a dam chhuak thin a, chu chi damchhuak chu hmeichhe chi nen a in tawh fuh chauhin, nautea a insiam thei thin a ni. Mihring pian theihna hi 100 ah, 99.9 vela chhia a ni, chutianga mihring pian theihna chance chhia a, mihring lo insiam te chu, kan that tur a nilo. Inneihna pawnah sex kan hmanga, naute a rawn insiam a nih chuan, chu naute chu, Lalpan min ngaihdam zia a entirna pawh a ni thei a. Naute, tihtlak kan tum ngei kha miropui bik ni turin Lalpan theihna a pe thei a ni. Alo pian ve leha, Lalpa zirtirna a kaihruai turin lo inbuatsaih chu, kan tih mai tur a ni, a enkawl dan zawng zawng pawh Lalpan a ngaihtuah vek mai dawn a ni.
Tleirawl pakhat hi, pawl 12 chauh a zir laiin, a chesual hlauh mai a, nau a pai a. Tichuan, miin titla tura an hrilh an hrilh pawhin a ti tla duh lo a, a pai puitlinga, a tihsual tawhna atangin a insiam thaa, Pathian lamah a fa pawh chu a kai hruai a. Hun a kal zela, chu nu chuan a fa a awm tlei hret hnuah chuan lehkha a zir chhunzawm leh a, hna pangngai tak a nei a. Vawikhat chu, tlangval hnahkhat rawngbawltu tha em em leh hna tha tak nei hian, chunu chu a ngaina tlat mai a, a tawpah chuan chu rawngbawltu nen chuan an innei ta a, chu nu fa hmasa pawh chu, fa ang chiahin a pawm bawk a. Hetiang anga, he rawngbawltu hian, fa nei tawh hmeichhia hi a pawm theih chhanchu, he nu hian thinlung inchhira Lalpa lam a pan vang a ni a. He rawngbawltu tlangval hnahkhat chhungah hian Thlarau Thianghlim a chenga, ramhuai man te pawh a tawngtai dam thei hiala, chu Thlarau Thianghlim vek chu he hmeichhe chesual tawh, inchhira Pathiana, intulutah pawh hian a chenga, tichuan Pathian chenchilh ve ve chu an innei ta a ni.
Tisual tawh mahla, lungchhira Lalpa i pan phawt chuan, ala chenchilh duh che a, i mawhpawh ala laksak duh che a ni.
Thutlukna atthlak leh Pathian duhloh zawng kan siam loh nan, i tawngtai phawt zel ang u.
(Tawngtai Dan Tur)
Lalpa, tawngtaia i hnena ka
manganna leh ka harsatna te hi ka rawn thlen phawt chuan nangin, min pui zel
dawn a ni tih hriain, engpawh ka chungah thleng se, i hnenah tawngtaina chang
ka hriat zel theih nan min pui ang che, Amen. Ti ang o.
No comments:
Post a Comment