Sual Nangmah Beitu Che Hnenah Khan, Lalpan A Hruai Tawhna Che Kha, Sawi Khum Rawh

"LALPA chu ka eng leh mi chhandamtu a ni; tunge ka tih ang? LALPA chu ka nuna kulhbing a ni; tunge ka hlauh vang?"(Sam 27:1)  

He thu hi lal Davida irawm chhuak ni a rin a ni a, lal Davida hian amah leh amah hi ava han infuih nasa thin tak em. Pathian thinlung ang pu mi ti a sawi a ni a, Lalpa thatna hi theihnghilh a tum lo a ni. Sualin a bei a nih pawhin, Lalpa chak zia leh a rinawm zia te hi amah leh amah a in hrilh mawlh mawlh thin a ni.

Sual hian, keimahni leh keimahni hi kan inhmuh hniama, rilru kawi min puttir phawta, midangte tina turin hmanruaah min hman a tum thina. Hei vang tak hian alawm, sual ti thin, mahni nuna hlim em em tumah an awm ngai loh ni. Ni e, mihringte hi chu, keimah ni hian kan lawm zolo thina, midang tih lawm te kan ngai hial thina. Mahse, tumah hian min ti lawm zo tak tak lo a, kan thla pawh an ti muang zo tak tak lo a ni.

Lawmna leh hlimna leh thlamuanna tak tak chu, Lalpaah chauh a awm a ni.

Hei hi kan zawt teh ang che -

Tunah tak khan, lungngaihna nangmah mawlhtu i nei em?

Tunah tak khan, i rilru nat na i nei em?

Tunah tak khan, hnawl niin i in hria em?

Hei hi han ti teh le,"i naupan tet atanga i tun dinhmun kha han chhui let la, Lalpan a chhanchhuah tawhna che leh Lalpan a malsawm thin zia che leh Lalpan tun thlenga a awmpui zia che leh, a hmangaih reng zia che kha," i ngaihtuah chhuak thei ang. "Lalpa that zia i nun a, ilo hmuh tawh te kha hmangin," nangmah beitu che sual kha, hnial let nan han hmang teh le.

Sual rawn beitu che kha, Lalpan a hruai tawhna che (i resume)  lo sawi khum rawh!

Chumai bakah, Lalpan i tana remruat tha tak a siamsak che kha, lo hrilh hre bawk ang che.

Nangmah beitu che khan, nangmah aiin Pathian a hrechiang zawk tih hre la! Pathianin nangmaha a thil tum kha, tichhe turin a bei che a nih kha! Chuvang chuan, nangmah beitu kha, i thinlungah awm mai mai tir suh bei let la, hnawt chhuk rawh. Tichuan, Lalpa thu nungin, i thinlung kha, ti khat tlat ang che.

(Tawngtai Dan Tur)
Lalpa, nangmaha innghattu chuan, an tana i buatsaihsak i thiltum chu, an panna kawnga daltu tlang chu, an nawr sawn thei thin a ni tih hriain, nangmaha innghat tlata, sual min beitu te hi dah zalen mai lovin, ka beih let zel theihna turin min pui ang che, Amen. Ti ang o.

Instagram: https://www.instagram.com/nungturin/

Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIAIN LO FORWARD VE ZEL ANG CHE.