"LALPA chu amah nghaktute tan a tha a, amah zawngtu tan chuan."(Tah Hla 3:25)
Lalpa hi, amah nghaktu leh beisei tlattute tan hian that chhuah a thulh duh ngai lo.
Theih tawpa a hnena kan dil, chu kan dilna min tih hlawhtlin sak hun kan nghah tang tang bawk chu, Lalpan min tih hlawhtlin sak loh a awm thin a ni. He tiang dinhmunah hian ringtu zawng zawng kan din vek tawh a rinawm a. Mi thenkhat chu, an dilna Lalpan a chhan loh avangin, Pathian awm an ring lo hial thina, chubakah an rinna hlauhin sual lamahte an tlan phah hial thin bawk a ni. Heng hunah hian "Lalpan a thiltih a hria" tih hi kan hriat reng a pawimawh hle a ni.
Mi thenkhat ve thung chu, an dilna vawi tamtak Pathianin chhansak lo mahsela, Pathian nghah an bang duh chuang loa, a laka an beiseina chu an thlah duh chuang lo. Lalpan chung mite dilna chu chhansak lo mahsela, an mamawh pek a bang ngai chuang loa, a humhim a thulh loa, an nun kawng hruaitu nih a bang ngai chuang lo a ni.
Hei tak hi a nia Jeremia Tah Hla 3:25 a ril em em na chu, Pathian kan nghaka kan beiseia, kan dilna min tihhlawhtin sak lo a nih pawhin, amah beiseitu leh nghaktute chu engkawl a thulh chuang ngai lo a, an chunga that chhuah chu a bang chuang ngai lo a ni.
(Tawngtai Dan Tur)
Lalpa, nangmah nghaktute chu, an dilna i chhansak lo a nih pawhin, an mahni enkawl leh an chunga i thatna chhuah chu, i bansan chuang ngai lo a ni tih hi ka hriat renga, nang nghah che leh ka beiseina i hnena nghah hi ka bansan ngai lohna turin min pui ang che, Amen. Ti ang aw.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)
No comments:
Post a Comment