"Tihthianghlimna bel chu tangkaraw tan ani a rawhtuina chu rangkachak tan a ni a, Thinlung erawh chu LALPAN a fiah thin."(Thufingte 17:3)
Tangkaruate, rangkachakte meiin tih fai a ni thina, a changchuan nasa taka a chhunna bik tur atana an siamah an chhunga, tichuan an chhungkawm leh a, a chhang chuan mei lawngin an rawh fai bawk thin a ni.
Hetiang ang deuh hian, kan Pathian hian kan thinlung hi, a en fiah thina, a chang chuan harsatna hmangtein kan thinlung min tih fai sak thina, a chang chuan hun lawmawmah enge kan thinlung dinhmun tiin min dah bawk thin.
Hetiang hian kan Pathianin, kan chungah thiltha ber a thlen tir theih nan ro a rel thin avangin, harsatna kan tawhte hian zam lo ang ila,"he harsatna hmang hian Lalpa hming kan ti mawi zawk a nge" tih tum zawk ila.
Chutih rual chuan, hun lawmawma kan awmin, i fimkhur thung ang u. Hun lawmawmah, thil tha zawng zawng min petu kan Pathian kan theihnghilh hlauh chuan, sual hi nasa takin a rawn che thin sia. Hei vang hian, harsatna kan tawh lai ai mahin, hun lawmawma kan awmin, fimkhur a tul zawk fo a ni.
Harstnaah emaw, hun lawmawmah emaw, min hruaitu leh kan chunga a thatna chhuah bangngai lotu, kan Pathian hi i hre reng ang u.
(Tawngtai Dan Tur)
Lalpa, ka thinlung hi i enfiah thin a ni tih hi ka hriat reng theih nan min pui la, engtik lai pawhin ka thinlung i en thin avangin hun harsaah leh hun lawmawmah pawh, i lam ka hawi tlat theih nan min pui ang che, Amen. Ti ang aw.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)
No comments:
Post a Comment