Pathian Hmangaihna Leh Khawngaihna Vang Chauh A Ni

"Mi zawng zawngin thil an tisual tawh vek a, Pathian ropuina an chang zo ta lo a ni; chung ringtute chu, Krista Isuaa tlanna awm avang chuan, a khawngaihnain athlawna thiam chantirin an awm a."(Rom 3:23-24)

Pathian hmangaihna leh khawngaihna avang chauhin chhandam kan nia, amah kan rinna pawh hi chhuang thei kan ni lo, kan rinna te hi a tlem em em a ni.

Pathianin min chhanchhuah a duh avangin min chhandama, tlingah min pawm a ni. Krista kan tan thia a thawh lehna hi kan tlin vena chu a ni.

A awmzia takah chuan, Pathianin engkim min tihsak a ni. Min hmangaiha kan boral a phal loa, tichuan min chhanchhuana tur kawng a siama, a fapa kan tan min pea, a fapa Isua Krista chu Lal leh chhandamtu a pawm apiangte chu, tlingah a pawm ta a ni.

Amah vekin a ruata, a mah vekin a pe a, amah vekin a pawm leh a ni. Keini hian, ka tih ka tih, ka thawh ka thawh tih tur kan nei lo, kan chhuan tur chu amah kan Pathian chauh a ni.

Hei vang tak hian, keini pawh hian, midangte hi a sual emai tiin kan lo hnawl ngawt thei lo, misual bera kan hriatte nen hian, Pathian hmaa kan tlin loh dan chin a in ang veka.

Chutiang chu  anih avangin, tupawhin eng sual pawh ti mek sela, eng pawh lo ti tawh sela, keini khawngaihna avanga chhandamna changtute hian, a sual emaw, a buaithlak em a ni, ti loin "Pathianin kei min hmangaih ang bawk hian a hmangaih chea, ka sual min ngaihdam sak ang bawk hian i sual a ngai dam tawha, nun tha ber nei turin Pathianin a duh che a ni," ti zawk thin ang u.

(Tawngtai Dan Tur)
Lalpa, midangte hi ka tehnaa lo teh tlinga teh tling lo ve ngawt tur ka ni loa, kan vaia chunga roreltu chu nang i ni tih hi ka hriat renga, midangte thiam loh chantirtu ni loin, midangte i lama hruaitu ka nih zawk theih nan min pui ang che, Ameb. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)