Lalpan Ka Kawng Zawng Zawng A Hria

"Ka thlarau ka chhûngah a chauh lai khan, nangmah ngeiin ka kawng chu i hria a."(Sam 142:3a)

Kan nun a chauh ber laite, amah kan Pathian kan hlat ber laite, kan nat ber laite, harsatna leh hreawmna kan tawh nasat ber laite hian Pathianin kan kawng chin hi a hriaa, min hruai chhuah dan tur a hria a ni.

Keini zawk hian, intifing takin kan nun hi relfel kan lo tum mai thina, chu tak chuan thil tamtak min khawih pawi tir hial thin a ni.

Kan nun a buai, harsatna ka tawk mahse Lalpan tha a tih angin min chhanchhuak theia, a hun ruatah chuan min dinchhuah tir a nga, kan nunin a chakte chu, Lalpan a duh ang ngeiin kan tana a ruat tak ni bawk chu min ang. Tiin, kan Pathian hi ring ngam ila chuan, kan nuna harsatna tamtak kan tawhte hi kan pumpelh theih a rinawm a ni.

Lei leh van leh a chhunga thil awm zawng zawngte, a duh ang ngei leh tha a tih ang taka siam chhuaktu kan Pathian hian kan kawng zawng zawng hi a hria, ngah nge a hriat loh ang, ama siam alawm! Puan tahtu hian a puan tah hi a hre ching em em thina, a tet lai a awm pawhin puan insik tawn dan leh la kal hmangte chu a hriat em avangin a tet laite chu lang hauh loin a thui khawm thiam leh thin, a chang chuan a tet laiah chuan pangpar mawi takte a dah zawk hial thin a ni.

Hetiang ang chiah hian, kan Pathian hian kan nun kal hmang hi a hre hneh hle a, kan nun chhe lai leh thler laite hi lang hauh loin a thuam tha leh thina, a chang phei chuan kan nun thlerlai thuam thatna atan hian pangpar mawi takte chu a par chhuah tir zawk hial thin a ni.

Kan buaina leh harsatnate hi kan Pathianin a chin a hriaa, min hruai chhuah dan chin pawh a hria, tih hi hre reng ila, kan Pathian kutah hian i innghat ngam ang u.

(Tawngtai Dan Tur)
Lalpa, nang chuan ka awmna chin hi i hriaa, ka nun kawng zawh chin i hriat loh lai reng reng a awm lo, keima thu thua ka nun hi hmang loin, i duh ang zawka ka hman theihna turin leh, keimahah leh midangah ka innghah loha, nangmahah chauh ka innghah theih nan min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)