Lalpa Atanga Finna Dawng Chunga Kawppui Zawn (by Grace Receiver)

"In zingah tupawhin finna a tlakchham chuan mi zawng zawng hnena hau lo leh ui lova pe thintu Pathian chu dil rawh se, chutichuan a hnenah pek a ni ang."(Jakoba 1:5)

Pathian hnenah hian, finna kan lo dil thei reng alawm mawle!

Eng kawng pawh finna kan tlachham a nih chuan, Pathian hnenah hian finna i dil hreh lo ang u.

Nupui leh pasal neih a hun tawh si, tihngaihna vak kan han hriat lohte hian Pathian hnenah nupui leh pasal zawn thiamna i dil ang u. Tichuan, Pathianin "hau lo leh ui lovin finna chu min pe dawn a ni."

Pathian hnenah finna chu kan dil a nih phawt chuan, ani chuan kan mamawh ang ngeiin a hun takah finna chu min pe ngei thin a. Mahse, Pathianin finna "a thu" min pek hian, kan duh ang anga tal haw haw theihna a ni ngai lem lo a ni. 

Pathianin finna min pek chu, hlawhtlin ngei ngeina leh kan tana tha a tih kan neih theihna a ni ngei a. Mahse, finna kan dilna atanga "a thu" rawn chhuak chu kan zawm ngei thung a tul thin a ni.

Pathianin kawppui zawn chungchanga finna min pek hian, a hmasa berah Thinglung ena hmel leh landan en lo turin min ti thin. Hei hi a har khawp mai, hmel duh loh zawng hi tha taka biak pawh a hara, kan rilruah dah pawh kan dah ngai lo tlangpui thina. Chutiang a ni chung pawha, Pathian thu kan awia, hmel leh landan en loa, thinlung kan en hian, Pathian neitu thinlung, nei mi eng emaw zah kan hre chhuak thei thina. Chung mite zingah chuan, Pathianin kan ngainat ber hi kan thlan a phal leh thunga, kan rin ang em em chuan a hreawm loa, a lawmawm viau zawk a ni.

Hemi chin ringawtah pawh Pathian atanga chhuak finna thu kan zawm a nih chuan, "kan hmel huat loh tak leh Pathian nei bawk si chu, neithei dinhmunah kan ding ta" tihna a ni thei a.

Mahse, Pathian thu i zawm vanga, i rilrua i thlan ruk ve rauh rauh khan, i hrilh loh miau avangin i haw lo tih pawh a hre loa, i haw lo tih a hriat pawhin, a ni chuan a hnawl thei tlat thung che a ni. Chutah tak chuan, Pathian hnenah finna kan dil leh a nih chuan, Pathianin "hmanhmawh lo turin min hrilh thina, mahse kan inhmuhfuh apiangin tha taka be turin leh a chunga that chhuah turin" min ti thin.

Pathianin, amah neitu leh i hmelhuat loh a kawhhmuh che kha, mipa tan, i va rim (asking her out) thuai ringawta i nawr deuh a ni chuan emaw, hmeichhe tan lengah i sawm (approach) chhen ringawta i nawr deuh a nih chuan, ama rilruah nangmah kha ila lang si loa, a ngaihtheih loh phah daih thei che a ni. Hei vang hian, Pathian thu zawma, i hmuh apianga a chunga that chhuah leh tha taka biak kha a tha ber a ni.

Pathian thu angin, i hmanhmawh loa, a chungah that i chhuaha tha takin i be thina, mahse i beisei angin thil ala kal mai loa, mipa tan lengah ala sawm lo chea (haven't drawn close), hmeichhe tan lenga sawm turin a hnaih lo che a ni thei (haven't drawn close to you).

He dinhmunah hian Pathian i rawn a nih chuan, Pathianin "amah chauh ring tur leh dawhthei tur leh inngaitlawm turin" a tih che a rinawm. A kar a kar emaw, a thla a thla emaw, kum khat dawn pawh, a chungah that i chhuah pawhin, in inkarah lang theiin inzawmna hmuh tur a awm si lo thei a ni. Chu tah tak chuan, Pathian aw i rinhlehna a rawn kal dawn a , Pathian aw ka hre tak tak ami le? Tiin i in zawt i in zawt mai thei a ni (you will question). Tah tak chuan, a landanah i innghah loha Pathianah zawk i innghah a ngai a, dawhthei takin a ngai ang chiahin in inhmuh apiangin tha takin bia la, a theih a piangah a chungah that chhuah zel la (keep being your best to her/him). 

Tin, chutiang a chunga that i chhuah hnuah chuan, i thinte a rim dawn a ni (you my feel rage), "hei leh chen hi a chungah that ka chhuaha, min hnawl dawn pawh ni reng reng se, min biak that deuh ve awm emaw, min biak hmasak ve thin awm" tihna rilru i pu ang, chung hunah chuan inngaihtlawnna nasa tak chu i mamawh dawn a ni. 

I thinrimna i pai reng chuan, Pathianin i dilna a chhan hun chu a pawt hla tial tial theia, a chhanchu thinrim chunga inkungkaihna (relationship) siam hian sual a hring chhuah thin vang a ni. Chuvang chuan, i mi duha chu, i vei nat lutuk loh nan, i theihnghilh luih pawh a ngaih thin ang, chu bakah amah nen a inkungkaihna neih i tum hun, i hun chhiar thina pawh chu i tawp san a ngai a nga, "Lalpa i thu thu alawm i hun ruatah chuan i duh chu thlentir ang che"(leave it all to God and trust his timing) ti thin zawk ang che.

Kan sawi tel lawk duha chu, kawppui zawnnaa Lalpa finna kan hmang dawn a nih chuan "Lalpaa kan chawlh ngei ngei"(find peace and rest in God first) a tul a ni. Lalpaa chawl chunga kan ti lo a nih chuan, mi min duh let nghah hi harsa tak a nia, karkhat lek pawh nikhat lek pawh hi a rei duh hle a ni.

Chutianga Lalpaa chawl chung leh Lalpa thuawi chunga, i kawppui tur atana i duh a chunga that i chhuah tang tang chuan, i hriat loh karah nangmahah trek (spark) alo nei ve ang, chu chu i hriat theih dan tur chu a hmuh che in a lai a lai (feel awe) ve mai ang. Chutah pawh chuan, la tih rup rup tur a ni loa, chutianga spark a awm hnua, eng tin tin emaw in titi fuha, tawp hleithei lo khawpa in titi tui dun hunah takah (lost in conversation), nawr tan tur a ni. (mipa tan) Len tan a pawi loa, mahse len tam loh ala tha lehzel awm e (ask her out and make it unintentional), (hmeichhe tan) lenga sawm a pawi lo a nga, mahse lo leng rawh emaw, ilo leng dawn lo ami tih loh tur, thingpui lo in la emaw, rawn dak ve zawk la emaw tih a tha zawk, mahse tih chhen loh a tha (create a line to make him chase you, and don't make it intentional).

Hetiang ang dinhmuna i dinga Pathian i rawn chuan, dawhthei turin a hrilh leh che a rinawm, a chhanchu nang chuan i nghak rei tawh a, neih vat vat i duh tawh hial maithei a ni, mahse a ni chuan a hre tan chauh chea. Chuvang chuan, a hma ang bawk khan in inhmuh apiangin a chungah that chhuah leh zela, (mipa tan) in inbiak dan a zirin len a rem anih chuan leng la chutiang a nih loh chuan leng chuang suh, (hmeiche tan) in inbiak dan a zirin lenga sawm a rem chuan sawm la, chutiang a nih loh chuan leng turin sawm chuang suh (go accordingly to the flow). Chutianga, in awm inawm hnuah chuan, in inkungkaihna a rawn nasa zual anga, amah zawkin ilo leng dawn lo ami emaw, i buai em lo kal a chi em? A rawn ti tawh zawk mai ang.

Tichuan, in inngaizawng a nga, i mi duha kha i beisei ang zawng zawng a ni pha dawn lo a ni, nupaa in insiam hnuah pawh i beisei a phak loh chang a tam dawn a ni. Chung huna, in inkar thua Pathian hnena finna i dil chuan Pathianin "Hmangaih rawh" tiin a chhan che a rinawm. A chhanchu "hmangaihna hi, inngaihdam tawmna leh tlin lohna tlinga inpawm sak tawnna" (love is forgiveness and freely excepting flaws) a ni. Chutiang chu i thei lo a nih chuan, i chungah i kawppui pawhin a thei chuang lo ang, mahse chutiang ni loa, a tlin lohna pawh tling anga i pawm tlat chuan, i kawppui zawk chuan a hmangaih tulh tulh che a nga, i tlin lohna pawh a enkan thin a nga, tichuan Kristian chhungkaw duhawm ber in din a rinawm a ni.

Pathian finna "a thu" anga kawppui zawn hi, zep lohah chuan a kawng (process) hi a thu tak zet a ni, mahse Pathian thu awi hleithei lo, awi lo ngam chiah si loa awm awm ai chuan a kawng a tawi zawk a. Tin, khawvel kawnga kala kawppui zawngte hi chuan, nikhatah hmangaihna hmuin an in hriaa, hun rei loteah an hmangaihna a chuai leh thin si a ni.

Thu kan tar lan khi, rawngbawltu pakhat nuna Pathian thawh dan a nia, i nunah khitiang chiah chiah khian a thawk lo maitheia. Mahse, Lalpa hnena "Finna" dilin kawppui zawng ngei la, kawppui i nei tawha in inkar a tha lo a nih pawhin, in inkar a that theihna turin Pathian hnenah "Finna" dil bang lo la. Kawppui kan nei tawh emaw nei lo emaw, Pathian atanga finna kan dil a nih chuan, min chhandan chu a thu a ni tih hi kan hriat reng a pawimawha, hei hi bansan rawh min titheia, nghak leh rawh pawh min tithei bawka, a thu zawm chu kan tih tur a ni.

(Tawngtai Dan Tur)

 Lalpa, nangmah atanga finna dawng miah loa, kawppui ka zawn ngam lohna turin dawizepna min pe la, nangmah atanga finna dawng chung leh chu finna "i thu chu" kawppui ka zawnnaah hian a taka ka nun pui theihna turin huaisenna min pe ang che, Amen. Ti ang aw. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.




Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)