"A kotu che u chu a rinawm a, tih pawh a ti bawk ang."(1 Thessalonians 5:24)
Tisual pheng phungin kan tihsual man kan seng nawk nawk chang a awm a, thlemna leh sual do zawh loh chang a awm fo, kan tihtur kan tih loh avanga buaina tawh chang lah a tam, kan tihtur kan tih pawha chapona suala tluk changte nen mahse "min kotu zawk hi a rinawm em avang hian kan tluk hlen hi a phal ngai lo a ni."
Philippians 1:6 Nangmahnia thil tha ti tantu khan Isua Krista ni thlengin a tifamkim zel dawn, chu ngei chu ka ring tlat si a.
Bul min tansaktu, he khawvel eng hmu tura kan nu leh pate, kan pi leh pute, kan pi te pi leh kan pute pu intawntirtu Pathian hian kawng laklawhah min kalsan mai dawn lo a ni. Min hruai zel dawn a ni.
"I khawngaih Kross kawng zawhin, i rawngbawl lamtluang ka chhui,
Kawng nuam leh hahdam changte pawh thin;
Kawng hahthlak leh raltia min hruai niah pawh hianin,
I rinawm zia min hmuhtir leh thin."
(Tawngtai Dan Tur)
Lalpa, min hruai i tanni atang khan, a tawp thlengin min hruai chhuah ngei i thlanga, laklawhah min kalsan dawn lo tih ka hriaa, ka lawm e. A tawp thlenga min hruai turin nang ang renga chak an awm loa, hruaitu chak, thiltithei leh rinawm, Lalpa nang ka nei che hi ka lawm a ni, min hruaitu atan nang chauh ka thlan theih nan che min pui ang che, Amen. Ti ang aw.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)
No comments:
Post a Comment